گەریلۍ هێزەکا یەژاستاری "ئەڤریم-ە نودا" سەبارەڎ بە دەسوەڵېوستەو خانەواڎە و هۊزە کورڎەکا پۍ هامکاری کەرڎةی دوژمنی و جەنگ جە وەران ۋەرو گەریلای پۍ ئاژانسەکەیما قسەېش کەرڎۍ. ئەڤریمە بە ئاماژە دای بە سیاسەتەکا جەنگی تایبەتی دوژمنی بانگەوازش پۍ خانەواڎەکەیش و گرڎو ئا کەسا کەرڎ، کە تفەنگ و دوژمنیشا هۊرگېرتەن کە راسی دوژمنی بزانا و وەران ۋەر بە رۊڵەکاشا جەنگ نەکەرا.

"ئانەی من ناڕەحەت مکەرۊ ئانەن کە خانەواڎەکەم سەرمەشقی و چەمساغی پۍ ئی جەنگەیە مکەرا ".

ئەڤریمە؛ جە سەرەتاو قسەکاشەنە سەرنجش وست سەرو جەنگی تایبەتی، کە جە دژوو گەلوو کورڎی ملۊڕاوە و پی جۊرە باسش جە ئامانجو ئی بانگەوازییە کەرڎ: "پېسە مزانیۊ جە سەرەتاو وەشبیەو پەکەکەیوە حەتا ئیسە جەنگېوە دژوار جە دژوو گەلوو کورڎی ملۊ ڕاوەو گرڎ دەقە و سانیېوە ئێمە پۍ ۋېما دلۍ جەنگینە ژیای کەرمۍ. منیچ پیسە کناچېوە کورڎی جە راسی گلېرگەو کورڎی و راسیی پەکەکەی دوور جە گلېرگېوە بۍ‌ وشیارینە گۊرۍ بیا؛ ئینەیچ سەرچەمەو ۋېش هەم جە خانەواڎۊ گېرت و هەم ئا سیستمە فاشیستەی کە ئارانەبۍ. کەچی دماو شناساو هەڤاڵا و جمیەرو ئازاڎیی زاناما کە گەلوو کورڎی هەن و جمیەرو پەکەکەی هەن کە پۍ بیەو گەلوو کورڎی جەنگ کەرۊ. بەس بە مەڵامەتو ئانەی کە بە قۆناخێوە جەنگیرە ۋیەرېنۍ و خانەواڎەکەم سەرمەشقی و چەمساغی پۍ ئی جەنگەیە مکەرا ئینە منش فرە ناڕەحەت کەرڎا؛ گەرەکما سەرەتا پۍ خانەواڎەکەیما و پۍ گرڎو گەلوو کورڎی ئی بانگەوازییە کەرو."

"دەوڵەتو تورکیای حۊلو ئانەی مڎۆ کە جەنگو کورڎی بە کورڎی کەرۊ "

ئەڤریمە جەختش سەرو ئانەی کەرڎۊ، کە دەوڵەتو فاشیسی تورکیای پۍ ئانەی گەلوو کورڎی، کلتوور و زوۋان و ئەخلاقو کورڎا دلېنە بەرۊ گەرەکشا جەنگو کورڎی بە کورڎی کەرۊ و ۋاتش:"خانەۋاڎەکەو ئێمە جە ساڵەکا ٩٠ینە دەسشا جە جاشایەتی پۍ دەوڵەتی هۊرگېرتەبۍ، بەڵام سەرو لاو لالوەکام و خانەواڎەو ئەڎېم دەسشا جە جاشایەتی هۊرنەگرت. ساڵەو ٢٠١٣ بە دمایوە خانەواڎەکەو ئێمە هەمڎیسان دەسشا بە جاشایەتی کەرڎۊ، واتە تفەنگ و دوژمنیشا هۊرگېرت. ئینە پۍ ئێمە ئێش و ناڕەحەتیا، چونکی ئامانجو ئەرەگیرا و دەوڵەتی چېشا؟! هێزو ئاڎیشا تێر مەکەرۊ و بە دەیان جارۍ بە تەکنیک و تەکنەلۊجیا هجوم کەرانۍ سەرو گەریلای و هەڵای ئانەیچ بەششا مەکەرۊ و چی دماییەیچەنە بە چەکی کیمیاۋیی هجومشا کەرڎ سەرو گەریلاکا کورڎسانی. بە مەڵامەتو ئانەی کە هێزشا پۍ دلېنە بەرڎەو گەریلای بەش مەکەرۊ ئینا حۊلو ئانەینە، کە کورڎی وەران ۋەرو کورڎی بڎۊ جەنگ. سەرەتا پۍ ئانەی راسی گەلوو کورڎی دلېنە بەرۊ و جە مەجال و کلتوور، زوۋان و ئەخلاقەنە تاۋنایۊ گۊرە سەرو گەلوو کورڎی ڕاوەبەر کەرۊ ئی سیاسەتا پەیڕوە مکەرۊ. یۊ چا خانەواڎا، کە کەوتۍ چېرو تەئسیرو ئی سیاسەتا و خزمەتو دوژمنی خانەواڎەو ئێمە بۍ. تەنیا پۍ خانەواڎەکەیما نا جە ڕۊزگارو ئارۊیمانە پۍ پەدەکەیچ متاومۍ ئی پێناسەیە کەرمۍ. جە راسیی جەنگینە هەمیشە جە لایېوە ۋېڕاگری و جە لایېوە تەریچۊ خیانەت لوان ڕاوە."

"ئەگەر گردوو دنیێچ دژوو پەکەکەی هورزۊ حەرگیز کەس مەتاوۊ ئی جمیەری دلێنە بەرۊ "

گەریلاو یەژاستاری ئەڤریم نودا جە درێژەو قسەکاشنە قسێش سەروو کۊشیای جمیەروو ئازادی و ئانەی کە ڕۊڵەکاو ئا کەسانۍ کە سەروو کەشەکاو پەی شەرەف و کەرامەتوو وێشا جەنگ کەرا و ماچۊ: "ئێمە جمیەرێوەنمۍ کە پەی حەقیقەتوو گەل و خاکەکەیما جەنگ کەرمێ. هێزوو ئەرگیرا حەرگیز تێرکەروو جمیەروو ئیێمە نەبییەنئی جمیەرە تا ئیسە نەکەوتەن بنە و مەگنۊیچ، چێوۍ کە ئینسانی مێشنۊ ئیسە ئۊپراسیۊنگەلێوە جە سەرنیشتنە ملا ڕاوە ئینجا هەرێمەکاو پارێزنای مەدیایچنە بە دەیان جارۍ ڕووبەڕووۍ ئی ڕاسییە بیێنمێوە، کە پەدەکە و فرەو جاشاخزمەتوو دوژمنا کەرا، چون سەروازۍ تورکۍ ئاندە ئازۍ نییەنۍ و پاسە مەیارا وێشا کە سینە بە سینە وەراوەروو گەریلایاوە جەنگ کەرا، جەنگوو زاپیچنە دیما، کە نەیاراشا بەیا وەروو تونێلەکاو جەنگی چێگەوە ئەوەڵۊ جاشەکا کیانێنێ.  

حەر دماو ئۊپراسیۊنێوە، کە بەستانە لوا ڕاوە بە وەڵیکەوتەی جاشا بێ، ڕاسا منیچ بنەیانیوە جاشنە بێنا وەلۍ دماو ئانەیە بەشداروو ڕیزەکاو پەکەکەی بیا، جە ڕاسینە سەرجەنۊ هۊشیار بیاوە، ئێمە ڕۊڵۍ ئا جاشانمۍ کە مەیمۍ کەش و پەی شەرەف و کەرامەتوو وێما جەنگ کەرمێ، چونکوم ئشناسنامەما دلێنە بریان و تا مەرڎەی درێژە بە کۊشیایما مدەیمێ. کەچی ئیساتۍ ئا جاشی وەراوەروو ڕۊڵەکاو وێشاوە چەک ورگێرا. رۊڵەکاو شمە پەی خاکەکەیشا گژیا کەچی شمە گەشمەرڎێشا کەرڎێ، سرووشتوو کوردسانی تاڵان کەرڎۍ  بە دەسوو وێتا وەڵاتوو وێتا دلێنە بەرڎێ، گەرد چێوۍ جەنگنە ڕووە مدۊ خاس و خراپ ڕوۍ مۍ تاریخ حسابوو گرد چیوێوە کەرۊ، ئینەی بە گردوو ئا کەسا ماچمۍ کە خزمەتوو دوژمنانە بیێنۍ بە جاشۍ و گردوو دنیێچ دژوو پەکەکەی مرڎۊپ مەتاوا حەرگیز ئی جمیەری دلێنە بەرا، چونکووم جمیەرێوەن پەی کەرامەتوو وێش گژیۊ.

"لەو بڕوایەدام کە بنەماڵەکەمان چەکی دوژمن دانێن"

ئەڤریم نودا ئاخروو قسەکاشۊ پێسە داواش جە بنەماڵەکەیشا و ئنیشا کەردکە تفەنگوو دوژمنیشا پەنەن و واتش: "با سەرمەشقۍ ئۊپەراسیۊنی نەکەرا، سروشتوو کوردسانی دلێنە نەبەرا. ئێمە مەواچمۍ پەنەوازا لایەنگێری ئێمە با، ئێمە پا سەروو ئا چێواوە مەگێرمێرە، وەلۍ لاو کەمیوەبا چەمساقیی ئۊپەراسیۊنەکا نەکەرمێ، قەولۍ چانە هەن ماچا: 'ئەگەر یووۍ نەبیمۍ یۊ بە  یۊ دلێنە مشمی.' پەنەوازا دەستبەردارۍ چەمساقیی دوژمنی بیمۍ بەتایبەت بەتایبەتی بنەیانەکەم هەرێمی وانینە و ئینجا گردوو سەرنیشتوو کوردسانی و ئا کەسێچە کە هامکارۍ دوژمنینۍ داواشا وەنە کەروو ، هومێد کەروو سەرمەشقایەتیی ئی چێوا گەنجا و ئەدایا باشقەلە کەرۊ و ڕاسییەکەی وینا،  چونکە سەرمە/شقوو گلێرگەی ژەنینۍ و گەنجێ.

پەنەوازا ئا ڕاسییە بزانا، کە تورک چێشش ملوو کوردیرە نارد، کەچی ئادۍ ئانەی مەوینا و وەراوەروو ڕۊڵەکاشاوە چەک ورگێرا، منیچ کناچۍ شمەنا و ئیساتۍ کەشەکاوە پەی شمە جەنگ کەروو، تا کوردسان ئازاد نەبۊ و خاکما ئازاد نەبۊ ویرۍ نەکەرڎۍ گێڵووە و پیسە جارانی ژیوو، چون دلۍ پەکەکەینە ئینسان جە گرد ڕاسیێوە وێش یاوۊنە، پەنەوازا بنەیانەکۍ ئی ڕاسییە بزانا من ئا هومێدی چادیشانە وینوو پەوکای پەنەشا ماچوو با چەکەکاشا بنیارە لاو کەمیوە بازا ئێمە و تورکیا گژیەیمۍ ئانۍ کە ماچا لایەنگێرۍ دیموکراسینمۍ با جاشێتی پەی دەوڵەتی نەکەرا و بەخاسی جە دەولەتوو تورکیای بیاوانە.                  ."

هـ . ش / س . ز