پېسە مزانیۆ، جە ٤ و تەمموزینە سزاو جە قەنارەدای سەرو شەریفە محەمەدیۍ و جە ٢٣ ۍ تەمموزینە سەرو پەخشان عەزیزیێرە سەپیا. جە ناوچەو دەرگەچی شارو سارتۆڤینە جە ڕوسیا، بە ئەرەیاۋنێوە ئی سزۍ شەرمەزارە کریا.

ئەرەیاۋناکەی جە لایەنو مەجلیسو ژەنا هەرێمەکەیۆ ۋنیاوە، بەنامۍ مەجلیسەکەیۆ، لیانا ئوسوبۆڤا قسێش کەرڎۍ و قەرارو جە قەنارەدای دووە ژەنەکەیش شەرمەزار کەرڎ و واتش: "دۆڵەتو ئێرانی دژمنو ژەنان، گەرەکشا نیا ژەنی ئازاڎە بۆ چونکی جە هێزو ژەنا متەرسا".

ئەرەیاۋناکەی بە بەرزکەردەیۆ درووشمەو "ژەنی، ژیۋای، ئازادی" و "بژیۋۆ سەرۆک ئاپۆ" دمایش پنە ئاما.