ئەرەنیشتەو دۆسییەو ڕۆنامەوانێ بێریتان جانۆزەر کە جە ساڵو ٢٠١٥نە  جە مڏرامانو وێڕاوەبەری ناوچەو سورو ئامەدی وەرو وەڵا کەردەیۆ پۆستی جە میدیا دیجیتاڵینە کریابێوە، ئارۆ سەر جەنۆ دۆسییەو نام بریێ بە ئامادەبییەو پاریزەرکەیش موحارەم ئەربەی کریاوە و قەرارش جە بارۆ دریا.

پارێزنەر ئەربەی، ئاماژەش پانەیە کەرد کە چی وڵاتەنە هەرمانەو ڕۆنامەوانی بە تاوانە وینریۆنە و ڕۆنامەوانێ کە هەواڵو ڕەخنەی وەش مکەرا، دادگای کریانە، پارێزنەر ئەربەی گرڏ هەوڵێوە وێش وست هەرمانە پەی ئانەی بێتاوانی موکیلەکێش سەلەمنۆنە، بەڵام داگا قەرارو ساڵێوە و یەرێ مانگا سزاو زینانی کەردەیش سەرو ڕژنامەوانە بێریتان جانۆزەرێ سەپنا.