شاندێوە بەریتانی پەی ئانەی جە نزیکۆ چەمڎاری سیستەمو ئیدارەو ۋېڕاوەبەری دیموکراتیکی بکەرا، ئارۆ سەرشا ۋنەو هەرێمو سەرنیشت و ۋەرکۊتوو سوریای دا. شاندەکە پاڵپەشتی ۋێشا پەی سیستەمەکەی بەربڕی.
ۋەرو ئانەی چەمڎاری سیستەمو ئیدارەو ۋېڕاوەبەری دیموکراتیکی داراو ئشناسنامێوە بەهێزین و بیەن بە نمایندێوە پەی تەمامو جەهانی، سەرنجو ملوێنان کەساش لاو ۋێشەرە کێشتەن. چی چوارچێوەنە، ئارۊ شاندێوە بەریتانی سەرشا ۋنەو هەرێمو سەرنیشت و ۋەرکۊتوو سوریای دا. شاندەکە جە ٤ کەسا پێکئامێبێنۍ کە ئەرک و ۋەرپرسیاری سیاسیشا جە بەریتانیانە هەن.
شاندەکە لوا پەی شارو قامیشلۆی و چنی هامسەرۆکاو شارەوانی کوۍ بیێوە. هەرپاسە شاندەکە سەرش ۋنەو فڕگەخانەو شارو قامیشلۆی و مېیانو پەیوەندییە گرڎینەییەکا پارتو یۊبیەی دیموکراتیک (پەیەدە)یشا کەرد.
جە گلېرۊبیەکانە، ئاژەو گرڎی هەرێمەکەی و هرووژمەکۍ دۊڵەتو تورکی و زەرەرۍ هرووژمەکا تاوتوێ کریۍ. شاندەکە سەرسامی و پاڵپەشتی ۋێشا پەی سیستەمو ئیدارەو ۋێڕاوەبەری دیموکراتیکی نیشانەدا، تەئکیدشا کەڕڎۆ کە ئی سیستەمە پېسە نموونێوە بە بەریتانیایش نیشانە مڎا.
شاندەکە ئەرەیاۋناشا ئاگاڎارۍ هرووژمەکا دۊڵەتو ئەرەگیرو تورکی و دڕندەییەکاشەنۍ، جەختشا کەرڎۆ تا دمایی پاڵپەشتی جە سیستەمو ئیدارەو ۋېڕاوەبەری دیموکراتیکی مکەرا.
