دماو تەما بییەو گلێرۆبییەو شاندو ئیمرالی دەم پارتی چنی شاناز ئیبراهیم ئەحمەدێ، ئەندامو مەکتەبو سیاسی یەنەکەی، شاندەکە سەردانو مەزارو مام جەلالیشا کەرد و تاجە ولینەو ڕێزیشا نیارە و نامێوەشا جە کتێبو یادەوەرییەکانە نوویست.

دماتەر جە هەمان یاگەنە، سەرو نامێ شاندەکەی کەسکین بایندر، جە گلێرۆبیێوە ڕۆنامەنووسیینە ئاماژەش بە گلێرۆبییەکا دا و واتش: سەرو قەبرەو مام جەلالی  بە ڕێزدارییۆ یاڏ مارمێ، ئێژا مام جەلال جە ساڵەو ١٩٩٣ـەوە چنین جارێ خاوەنو هەڵوێسی بییەن و خاوەن دەورێ گرنگ بییەن پەی چارەسەریی و ئاشتیی، ئارۆیش جە تورکیانە بە دەسوەڵ وستەی ئێژا ئۆجالانی وەڵێ گنۆنە، وەرو ئانەی پەیام و هورسەنگنای ئێژا ئۆجالانیما یاونا بە ئێژا بافڵ تاڵەبانی، قوباد تاڵەبانی و ئێژا شاناز ئیبراهیمێ.

ئاماژەش پانەیەدا، چی گلێرۆبییەیمانە ئیمزاما سەرو کورد و ئاشتی دلێ گەلوو کوردی جە تورکیا و سەرنیشتوو کوردەسانی کەرد، هەرپاسە ئێژا قوباد تاڵەبانی و بافڵ تاڵەبانی ئەکیدشا کەردۆ چی پرۆسەنە پەنەوازا گرڏ لێوە دەورت کاریگەر و گرنگ گێڵنانە.

واتیشش: هەرپاسە  شاناز ئیبراهیمیە پەشتیوانی وێش پەی پرۆسەکەی بەربڕی.

جە درێژەو قسەکاشەنە کەسکین بایندرە ئاماژەش پانەیەدان، با گرڏ کوردێ دڵوەش بۆنە کە گرڏو لایەنە کوردییەکا ئارۆ پەشتیوانی جە پرۆسەکەی مکەرا و جە ئەنجامەنە چەمپنەکەوتەکێ دڵوەشکەرێنێ.

سەرنجش وست سەرو ئانەی هەرچنە جە سەرنیشتوو کوردەسای و تورکیاینە ڕاگیری وەردەمو پرۆسەکەینە هەن بەڵام هیوێوە گۆرەما بە پرۆسەکەی هەن. ئارۆ سەرو بنەماو یۆبییەو کوردا گرڏ لایەنەکا بە ئەرکو وێشا هورمێسانە، گرڏ لایەنەکێ چێوێ

 ماچانە، ئاڏش ئانەن کە بە دەس وەڵوستەی ئێژا ئۆجالانی پەی چارەسەریی، گرڏو کوردا دەستکەوتێ گرنگ بەدەس ماڏانە.

سەبارەت بە ئەنجام نەڏای گلێرۆبییەکاشا چنی لایەنەکا تەرێ بایندر واتش: گەرەکما بێ جە پانیشتوو کوردەسانینە چنی گرڏو لایەنە سیاسییەکا گلێرێ  بیمێ بەڵام بە مەڵامەتو کەمی کات و نەبییەو دەرفەتیۆ ناتاواما گلێرۆبییەی ئەنجام دەیمێ پەی ئا مەبەسەیە داواو ویەردەیشا ونە مکەرو،

جە دماینە ئاماژەش پانەیەدا، شاندەکەما گلێرۆبییەکاشا جە سلێمانینە تەمام  کەرد و ملاوە پەی هەولێری، سەعبێچ ملاوە پەی تورکیای، جە ئایندەنە ئەرەیاونێوە سەرو ئی