شاندو ئیمراڵی سەردای مەزارو مام جەلال تاڵەبانیشا کەرد
شاندو ئیمراڵی سەردای مەزارگەو سکرتێرو وەڵینو یەنەکەی جەلال تاڵەبانی (مام جەلال)یشا کەرد و سەرو قەبرەکێشۆ یاڏشا کەردۆ.
سەردانو شاندو ئیمراڵی
شاندو ئیمراڵیی پارتو دیموکراسی و یەکسانی گەلا (دەم پارتی) دمایشا ئارڏ بە گلێرۆبییەکاشا کە جە هەولێرۆ دەسشا پنەکەردەبێ و ئارۆ سلێمانینە دمایش ئاما.
شاندەکە دماو گلێرۆبییەکەیشا چنی سەرۆکو یەنەکەی بافڵ تاڵەبانی و یاگەگیرو سەرۆکوەزیرانو حکومەتو فیدراڵی هەرێمو کوردەسانی قوباد تاڵەبانی، سەردانو مەزارگەو مام جەلالیشا کەرد و تاجە ولینی ڕێز و وەفایشا سەرو قەبرەکێش نیارە.
دماتەر ئەندامەو شاندەکەی پەروین بوڵدانە جە دەفتەرو یادەوەرییەکانە ئیمزاش کەرد و ئینەش وات: " ئاشتی و ئازادی گەلوو کوردی کە ئاواتو مام جەلالی بێ، خاوەنداریکەردەین جە یادەوەرییەکا. قوەلمڏەیمێ ئی وەرمەو مام جەلالی جە ئایندێوە نزیکەنە بەدی بارمێنە. سەربەرزێنمێ کە دڵسۆزیی ئێژا ئۆجالانی بە مام جەلالی و کوڕەکاش ئەرەیاوناما. بەڕێز و پنەزانایۆ یاڏو مام جەلالی مکەرمێوە."
