شاندو ئیمراڵیی پارتو یەکسانی و دیموکراسیی گەلا (دەم پارتی) سەبای جە زینانو ئیمراڵینە یەرەمین دیڎار چنی ڕابەر ئاپۆی ئەنجام مڎۆ. جە دیڎارەکەنە سەبای ٧ کەسۍ بەشدارۍ با. چنی سری سورەیا ئۆندەری و پەروین بوڵدانۍ، هامسەرۆکاو گرڎینو دەم پارتی تولای حاتەم ئۆغۆللارییە و تونجەر باقرخان، ئەحمەد تورک، پەرلەمانتارو دەم پارتی ئیستەنبوڵی جەنگیز چیچەک و پارێزنەرو نووسینگەو یاسایی سەدەی فایەق ئۆزگور ئەرۆل جە شاندەکەنە بەشدارۍ با.

دماو دیڎارەکەی، شاندەکە ٢٨ و شوباتی جە ئیستەنبوڵنە کۆنگرەی ڕۆنامەنوویسی بینۆنە. شۊنەما و کاتو کۆنگرە ڕۆنامەنوویسییەکەی دماتەر ئاشکرا مکریۊ.

شۊنەماو کۆنگرە ڕۆنامەنوویسییەکەی ئاشکرا مکریۆ

دەم پارتی چی بارۆ ئەرەیاۋناش: "شاندەکە سەبای (٢٧ و شوبات)ی دماو گلېرۊبیەکەیش جە سەعات ١٧:٠٠ ئیستەنبوڵنە کۆنگرەی ڕۆنامەنوویسی بینۆنە. دماتەر شۊنەماو کۆنگرەکەی ئاشکرا مکریۆ. کۊششکارا ئەرەیاۋنای متاوا ڕووماڵو کۆنگرەکەی بکەرا. ئا ڕۆنامەنویسۍ گەرەکشانە ڕووماڵ بکەرا، مشۊم تا سەبای سەعات ١٤:٠٠ چی لینکەو وارینە نامۍ ۋێشا تۆمار بکەرا".