شاندو ئیمراڵیی دەم پارتینە، پەڕلەمانتارە و وانی دەم پارتی پەروین بوڵدانە و جە پارێزنەرا نوسینگەو یاسایی سەدەی، پارێزنەر فایەق ئۆزگور ئەرۆل پەی ئەنجامداو دیداری چنی ڕابەر ئاپۆی سەردانو ئیمراڵییشا کەرد. شاندەکە دماو ویناو ڕابەر ئاپۆی جە ئیمراڵینە گێڵێوە.

تا ئیسە هیچ ئەرەیاونێوە جە شاندەکەی نەدریان و ناوەڕۆکو دیدارەکەی نمەزانریۆ.

هەرپاسە مەزانریۆ ئاخۆ شاندەکە چنی زینانیا تەرێ ئیمراڵی؛ عومەر خەیری کۆنار، وەیسی ئاکتاش و حاملی یڵدرم گلێرێ بیێنێوە یان نا.

ئینە دیدارو چوارەمو شاندو ئیمرالی دەم پارتییا چنی ڕابەر ئاپۆی، وەڵتەر جە ٢٨ـو کانوونو یوەمی ٢٠٢٤، ٢٢ـی کانوونو دووەمی ٢٠٢٥ و ٢٧ـی شووباتی ٢٠٢٥ دیدارشا ئەنجام دابێ. وە یوەم دیدارو ئیمراڵییا دماو نەوەش کەوتەو ئەندامو شاندو ئیمراڵی دەم پارتی سری سوورەیا ئۆندەر.