ڕۊو 18/10/2023 شانزەیەمین  فێستیڤاڵی میاندەوڵەتیی شانۊگەری سەروو جاڎەی شاروو مەریوانینە بە بەشداریی چندین تیپ و گرووپە شانۊییا سەروو ئاستوو دنیێو تیپە شانۊییەکاو  گردوو دنیۍ و تیپە شانۊییەکاو هەرێموو کوردستانیوە دەسش پەنە کەرد، کە شش ڕوۍ خواینۊ.

وەفدێوە باڵاو ڕاوەبەرایەتیی ڕۊشنویریی و هونەروو سلێمانی و یاریدەیدەروو ڕاوەبەری گردینوو رۊشنویری و هونەری و ڕاوەبەروو ڕۊشنویریی و هونەریی کەرکووکی و ڕاوەبەروو ڕۊشنویری و هونەریی دەربەندیخانی ئامادۍ فێستیڤاڵەکەینۍ، کە هاموەخت شانۊییێوەیچ بە نوێنەرایەتیی هەرێموو کوردستانیوە بەشدارا جە فێستیڤاڵە میاندەوڵەتییەکەنە.

فێستیڤاڵی میاندەوڵەتیی شانۊگەریی سەروو جاڎەی شاروو مەریوانوو وەرکەوتوو کوردسانینە یۊن جە ئشناسیاتەرین و بەجۊشوخرۊشتەرین فێستیڤاڵەکا سەروو ئاستوو گردوو دنیێنە پەی شانۊگەریی سەروو جاڎەی، کە جە ساڵەو ٢٠١٠یوە دەسش پێکردووە، ئەم فێستیڤاڵەش وای کردوە شاری مەریوان لەسەر ئاستی ئێران بە شاری شانۊی سەرشەقام بناسرێتپەنە کەرڎەن و یاگۍ واتەینە، شانۊگەریی جاڎەی فۊڕمێوە تایبەتوو شانۊین و گرنگیی وێش هەنش پێسە هونەرێوە باڵای دلۍ گلێرگەو ئینسانیەتینە چونکوم ڕاستەوخۊ وینەر داخڵوو هەرمانە شانۊییەکۍ بۊ و  لکا یۊترینیرە.

یاگۍ واتەینە شانۊکاراو چەمچەماڵی خەڵاتی ئەوەڵینوو ڤیستیڤاڵەکەیشا پەنە بەخشیا، پەی شانۊگەریی "سێوی٢١"ی، و شانۊکارەکێچ  خەڵاتەکەشا پێشکەشوو ڕۊحوو هامڕای شانۊکاریشا "خواناس وریا گلی" کەرد، کە چند مانگۍ چیوەڵتەر دەسێوە سیاوی تیرۊر کەرد.