به پاو ئی بەیاننامەیە:

- هاموڵاتیێوە عەلەوی ئەرەنیشتەو ناوچەو قەرداحەو لازقییەی، جە یانەکەو ۋێشەنە بە کورسییەکەیشۆ بینیان و سەرەش بڕیان.

- فەرماندێوە وەڵینو گروپە ۋەرهەڵسکارەکا جە ناوچەو بەسری شامی جە گەڕەکەو ۋەرکۊتوو دەرعای جە لایەنو هێزەکاو تیپو پەنجیوە کوشیان.

- جە هرووژمېوەنە ژەن و مێردێوە ئەرەنیشتۍ یانێوە جە دەگاو شینیەی جە ۋەرنیشتو حومسی کوشیۍ.

- جە ناوچەو مزیریبی جە گەڕەکەو ۋەرنیشتوو درعای، جوانێوە بە تەقەی هەڕەمەکی کوشیا.

جوانێ جە ناوچەو جەسرولشوغور نزیکو ئیدلبەی جەلایەنو کەسانێ نەشناسیۆ کوشییا. وچیۆنە ئی جوانە چن ڕوێ وەڵێ ئیسەی بەرەو شارە کەناراوییەکا گنۆنە ڕاو و هیچ هەواڵێوەش چنە مەشنەوا.

- جە ناوچەو کۆمۆناتینە جە بیابانو سووریای، کەسێ بەمەڵامەتو تەقایۆ ئەڵغامیۆ گیانش جەدەسدا.

- دووێ برێ جە دەگاو مەهروتەو حەمای کە هەوڵدێنێ پەڕاوە پەی دلێ لوبنانی، جەلایەنو هێزەکا حکومەتو دیمەشقیۆ کریێ ئامانج و کوشیێ.

جە دامێوەنە کە جەلایەنو هێزەکا حکومەتو دیمەشقیۆ جە دلێ جەرگەو شارو حەڵەبیۆ نریابێرە، دووێ ئەندامێ گروپێوە چەتێ حکومەتو تورکیای کوشیێ. باسش چانەی کریان کە ئی گرووپە تاوانبارێ بە مەڵەمەتو بڕفاناو جوانێ جە دەگاو تەل مەقسوری کریێنێ مەرام.