شەرناخ و دەوروبەرشن وەڵۍ ورچنییەیە هەرێمییەکاو ئاداروو ٢٠٢٤ینە، دیسان هەوڵۍ فاڕایۊ دەنگەکا ئامینۍ وەڵێوە. زانییان، فشار جە جەرڎەوانەکاو دەگایەکاو قەلەبانی کریان، دەنگەکاشا فاڕاوە پەی ناوەندوو شارەکەی. چی بارەوە شاندوو پارتوو چەپی سەوزی ئەرەیاوناێوەشا واناوە.

هامسەرۊکوو هەدەپەی قەلەباننە، عەبدوڵڵا گون، واتش: "مشۊم گەلەکەما ئی گەما ورشانۊوە، ئینە سەرکوتکەرڎەی ئیرادەین".

پەرلەمانتاروو پارتوو چەپی سەوزی، زەکی ئیرمەز، واتش: " زانیاری هەن، کە دەنگەکۍ پەی ورچنییەیە هەرێمییەکاو ساڵەو ٢٠٢٤ فاڕییاوە. دەسەڵات و هێزە ئەمنییەکۍ گەرەکشانە دەنگەکا دەگایەکاوە فاڕاوە پەی شارۊچکە و مەنتێقە و ناوەندەکاو شاری، ئینەیچ بە نیازوو فاڕای ئەنجاموو ورچنییەی. ئینە سەرکوتوو ئیرادەو گەلین. پێویسا گەلوو ئێمە شەرناخ و ئەلکۍ و قەلەباننە چی ڕووەوە هۊشیارۍ با. پێویسا وەراوەروو ئی گەمە قێزەوناوە، وێشا بە ساعیبوو ئیرادەو وێشا بزانا".

ئا هاموەڵاتۍ دماو وتارەکا قسێشا کەرڎۍ، واتشا کە پێویسا هۊشداری وەراوەروو ئا هەوڵانە بدرییۊ و خەڵک هاگادار کرییۊوە.

س.ز