جە ٢٦و تشرینی دووەم و ١٩٩٣ ېنە جە ئەڵمانیا پارتوو کرێکارا کوردسانی (پەکەکە) قەڎەغەکریا. بەمەڵامەتوو ئا قەراریۊ کوردا و ئەڵمانیای جە فرەو مافی سیاسی و کۆمەڵایەتی ۋېشا بێ بەش کریۍ. جە سەرووبەنڎ و ٣١ەمین ساڵەو بەرکەرڎەی ئا قەرارەینە جە شتوتگارت پانێلێوە سازکریا و هۊرسەنگنای پۍ ئا پرسیە کریا.

قسەکەرا و پانێلەکەی جە پاڕێزنەرا دۆسیەکا پەکەکەی پاڕێزنەر هەیکێ گەیسوەیدە، ئاخێل ئۆسواڵد و ئەنڎاموو پەرلەمانی فیدراڵی ئەڵمانیای جە پارتوو دیەلینک گۆکای ئاکبولوتی پێکئامابۍ.

ئەنڎامەو ناوەندی جەمەو دیموکراتیکی کوردی جە هەیلبۆرن گوڵستان ئاتەشە جە سەرەتاو پانێلەکەینە ۋیرش ئاردۊ کە مەزڵوم دورا کە مانگەی وەڵینە جە زینڎان و ستامهەیمی دژ بە مامەڵەی خراپی و هەڕەمەکی دەسش بە مانگرتەی جە وارڎەی کەردەبۍ، بەردەواما جە مانگرتەی. ئەرەیاۋیا کە ئاژەو تەندروستی دۆرای تێکشیەن و گوڵستان ئاتەشە چا بارۊ داواو هەستیاری و پەرۆشیش جە گرڎ لېوە کەرڎ.

جە پانێلەکەنە قوربانیا قەڎەغەکەرڎەی پەکەکەی ئۆرهان تائەش، گوڵستان ئۆزدەمیرە و حسێن کەلەچیەر باسشا چا ڕووەدایا کەرڎ کە سەرشارە ئامان.