هەڵمەتە و باڵبەسکەردە و سایەقو گەڵابە مانگێرتەکا وەرکەوتوو کوردەسانی و ئێرانی جە لایەن و هێزە ئەمنییەکا ئێرانیۆ دەسش پنە کەرد و چا چوارچێوەنە، پەنچ سایەق گەڵابێ جە سنەنە باڵبەسێ کریێ، کە یەرێ سایەقێشا بە زینان کەردەی سزا دریێ.
ماڵپەرو دەنگو باڵبەسلریاکا کوردی و ئێرانی ئاماژەش پانەیەدا، یەرێ سایەقێ گەڵابەی کوردێ سادق محەمەدی، کاوە مورادیان و ڕزگار مورادی جە شارو سنەی وەرنیشتوو کوردەسانی جە لایەنو هێزەکا وەزارەتو ئیتلاعاتو ئێرانیۆ باڵبەسێ کریێ.
جە هەواڵەکەینە ئامان: "ئا یەرە سایەقە کوردێ جە لایەن و دادگاو شۆڕشو سنەی هەر یۆشا سزاو یەک مانگا زینانی کەردەیشا سەرەرە سەپیا و ڕەوانەو زینانو سنە کریێ. دووە سایەقەکێ تەرێ زانکۆ رۆستەمی و حەمید جە ناوچە و دێهگولانو سەر بە شارو سنەی جە لایەن و هێزە ئەمنییەکا ئێرانیۆ بە بێ فەرمانو دادوەری باڵبەس کریێ و تا ئیسە چارەنووسشا دیار نییا."
ماوەو حەوت ڕوان جە سەرانسەرو شارەکا وەرکەوتوو کوردەسانی و ئێرانی سایەقێ گەڵابەی دەسشا بە وێنیشاندای کەردەن بە مەبەسو بەربڕییە و ناڕەزایەتی دژو کەمکەردەیۆ پشکو دیزلی، بەرزبییەیۆ خەرجی بیمەی، قیمەت و کەمی گەڵابەی، بەرزبییەۆ خەرجی چەمدێری تڕۆمبێلی و نەبییە و ئەمنیەتی پەنەواز.
