شارو سنەو ۋەرکۆتوو کورڎەسانینە ئەڎایا ئاشتی بە ئامانجو پەشتیوانی جە ئەندامەو کەژاری وەریشە مورادیۍ کە جە زینانو ئێڤینینە، دەسشا بە مانگێرتەی جە ۋاردەی کەرڎ و ماوەو یەرۍ ڕوا چالاکیەکەشا بەردەوام بۆنە.
بە ئامانجو پەشتیوانی جە ئەندامەو کەژاری وەریشە مورادیۍ کە جە زینانو ئێڤینینە جە ١٠و ئارگای(ئۆکتۆبەر)ی رۆو ۋەرەنگاربیەیۆ سزاو جە قەنارەدای دەسش بە مانگرتەی جە واردەی ماوەنادیاری کەردەن؛ جە شارو سنەو ۋەرکۆتوو کورڎەسانی ئەڎایا ئاشتی دەسشا بە مانگرتەی کەرڎ. چالاکیەکە رۆو پەنج شەممەی ١٧و ئارگای(ئۆکتۆبەر)ی دەسشپنەکەرڎەن و ماوەو یەرۍ ڕوا بەردەوام بۆنە.
ئەڎایا ئاشتی، جە کەشو ئاویەرو سنەینە کوۍ بیێوە و بەشێوەو نمایشۍ چن ۋەریسێوە قەنارەیشا سۆچنۍ. ئەڎایا ئاشتی دروشمەو " نا پەی جە قەنارەدای، بەڵێ پەی ژیۋای ئازاد"یشا واتۆ و داوایچشا جە رێکوزیا مېیاننەتەوەییەکا کەرد کە جە دژو 'سزاو جە قەنارەدای' ئەرەکۆشایۍ قەوەت بگێرانە ۋەر.
