سەرخۊبوون سەرحەد، کە چالاکیی گیانبازییش کەرد: "ئێمە پێسە کەسێوە مەلمۍ پەی چالاکی. کەسایەتیی ئێمەنە تارێخ ملۊ سەروو دوژمنی، گەلێوە ملۊ سەروو دوژمنی و وەنەش پێچۊوە. ئێمە هەقسانەرۍ تارێخێوەنمێ".
فەرماندەیی قەرارگەی ناوەندی پارێزنای گەل (نەپەگە)ی ئەرەیاوناش: "وەختۍ گردوو دیمەنەکاو ئۊپراسیۊنی شۊڕشگێڵنیی گەشمەرڎە هەڵمەت دێرەلوکی، کە ١٢ی کانوونوو دووەموو ٢٠٢٤ هەرێموو مدرامانوو کەشوو ئامێدیی سەر بە زاپینە کریابۍ، وەڵا کریاوە و زانیاریی ورد بارەو هێزوو ئۊپراسیۊنەکەیۊ دریا و ئەوەکۊڵیایش بارەوە کریا، بەرکەوت کە هامڕاما سەرخۊبوون سەرحەد (سەفا ئاڵتونای) بە قەرارداریێوە گیانبازانەوە لوا پەی چالاکییەکەی. هاوڕۍ سەرخۊبوون، حەرچندە پلانسازی ئۊپراسیۊنی شۊڕشگێڵنیینە چێوۍ چانە نەبییەن، بە نهێنی پلانەو کەرڎەی چالاکیی گیانبازییش دلۍ ئۊپراسیۊنەکەینە متەنرە و بۍ ئانەی لاو ڕەفێقەکاشۊ باسش کەرۊ، بەشدارییش ئۊپراسیۊنی شۊڕشگێڵنیینە کەرڎەن. دماو ئانەیە هەرمانە و وەرپەرسبییەیش دلۍ ئۊپراسیۊنی شۊڕشگێڵنیینە یاونان یاگۍ، بە ئازایەتیێوە بەرزۊ، چالاکگێڕی، شێوازوو سەرکەوتەی ئەنجامگێرانە و ڕۊحی گیانبازی دماییش بە ئۊپراسیۊنە شۊڕشگێڵنییەکەی ئارد. هامڕا سەرخۊبوون بە هۊشیاری و ڕۊحی فیداییوە پێسە جەنگاوەرێوە ئاپۊیی، بە دەسوەڵێوزیی وێش چالاکی گیانبازیی مەبارەکش پەی ئامانجێوە شکۊمەندانەی کەرڎەن. هامڕا سەرخۊبوون وەڵۍ کەرڎەی چالاکییە گیانبازییەکەینە ڤیدیۊێوەش تۊمار کەرڎەن. دماو ئەوەکۊڵیای سەروو ڤیدیۊکەی، یاوایمێنە کە چەنی چالاکییەکە کریان".
فەرماندەیی قەرارگەو نەپەگەی جە ئەرەیاونایەکەنە ئ بابەتەیچشە وستەن ڕووە:
ماچۊ: "ئێمە پێسە کەسێوە مەلمۍ پەی چالاکی. کەسایەتیی ئێمەنە تارێخێوە ملۊ سەروو دوژمنی، گەلێوە و نەتەوێوە ملۊ سەروو دوژمنی. ملۊ سەروو دوژمن و وەنەش پێچۊوە". هامڕا سەرخۊبوون بە واتەی "ئێمە ڕاسیینە هەقسانەرێی تارێخێوەنمێ" لوا سەروو دوژمنی و بە چالاکیی تارێخیی وێش گورزی کەمەرماڕش وەنەو دوژمنی دا. ئێمە ڕاسیی چالاکیی مەبارەکوو هامڕا سەرخۊبوونی و پەیامە مانادارەکەیش کە پەی ئێمە هامڕایاش،پەی گەلەکەیما و گردوو گەنجاو کوردی جیا ئاستەن، پەی گەلی وەڵاتپارێزنی و ڕای گردینی وەڵا کەرمێوە.
پەیاموو هامڕا سەرخۊبوون سەرحەدی کە وەڵۍ چالاکییە گیانبازییەکەینە تۊمارش کەرڎەن و جیاش ئاستەن ئینەن:
"ساڵەکاو ٢٠٢٢ و ٢٠٢٣ فرە بەهەسی ویەردێ. بەتایبەتی بواروو جەنگی و بواروو کۊشیاینە ماوێوە فرە پەڕ و هەسۍ بێنێ. چا ساڵانە ژمارۍ فرە جە هامڕایە بەنرخاما، فەرماندۍ و جەنگەوانۍ بەنرخۍ ڕێکوستەیەکەیما پەی ئانەیە گژیۍ، ڕەنجشا کێشت، قوربانییشا دا و گەشمەردۍ بیێ. چەنی فرە هامڕایا هامڕایەتیما کەرد و پێوە ژیوایمێ. حەرکامێشا بیۍ بە بەشۍ و پارچێوە چەنەما و جە وەشبییەی کەسایەتیمان دەوری گرنگشا گێڵنا. دەور و هەرمانەشا فرە بەنرخۍ بێنێ. ئانە ئێمەش یاونایمۍ وێگە، کۊشیای و مدرامانوو ئێمەش دیاری کەرد، بیۍ مایۍ ئانەی ئەندێشە و هۊشیارییما فاڕمۍ، ئا هامڕۍ بێنۍ و هەوڵەکێشا بێنێ. هامڕا ساڤاش مەرەش، ئاخین موش، شەرڤین، نۊرشین عەفرین و هامڕۍ فیدایێما ئەرداڵ و ڕۊژهات ڕەنجێوە گرنگشا پەی ئێمە کێشت. چی خاڵێنە پاو هەوڵەکاو ئا هامڕایا وەرپەرسبییەی و هەرمانەو ئێمە زیاتەرە بییە. وەروو ئانەی بە حەرگەشمەرڎەبیییەێوە باروو سەروو شانەیما زیاتەر بۊ. ئا هامڕۍ پەی ئێمە پاسنۍ بێنۍ، ئێمەیچ پێسە سۊما و ڕۊشنایی چەماما وەشێما سیێنێ. چی قۊناغەنە ئێمە هامڕۍ فرە بەنرخێما شاهین بۊتان، ڤیان پەنابەر، گوڤەن و دۊغامان پەی ئی دۊزەیە گەشمەردۍ بیێ. هەمان وەختەنە سەروو نامۍ گەشمەرڎە ساڤاش مەرەش دەس بە هەڵمەتێوە کریا و ئیساتۍ ئێمە چا هەڵمەتێنە بەشدارێنمێ. بەڕاسییچ بەشداربییەی چی هەڵمەتێنە پەی ئێمە شانسێوە گەورەن، لاێوە پەنەزانای و گێڵانایۊ ئا قەرزەینە کە وەراوەروو ئا هامڕایا ئینا سەرماوە. وەروو ئانەی هامڕا ساڤاش فرە ڕەنجش کێشت. ئێمە گرد وەختۍ کاریگەریی هامڕایی و هەڵوێستوو ئایما سەرۊ بۍ و وەراوەرشۊ هەست بە شەرمەزاریی کەرێنمێ. هامڕێوە بۍ چوون دەروێش و پیر. وەختۍ جە سەنگینی و ورەیش وردۍ بێنێمۍ، شەرم جە وێما کەرێنمێ. حەر وتێوەش، جووڵێوەش، لواڕارێوەش پاسە بە ئینسانی کەرۍ ویرۍ کەرۊوە، هامڕاێوە چانە بێ. تا قەرزوو وێما پا هامرایە بدەیمێوە، بەشداری چا چالاکییانە کەرمۍ بە نامۍ هامڕا ساڤاش مەرەشیوە دەسشا پەنە کریان. ئانە پەیما بەختە و شانسێوە گەورەن.
کەسایەتیی ئێمەنە تارێخ و نەتەوێوە ملا سەروو دوژمنی و پێچاشۊ وەنە
ئێمە پەی چالاکیی گەشمەرڎە گەلهاتی ملمۍ، نامۍ هامڕای گەشمەرڎەیچما جوانۍ دریا واگەی، ئێمەیچ چەنی هامرا جوانۍ ژیوێبێنمۍ و پێوە مەنێبێنمێوە. ئا چالاکییە فرە ڕەهەندێش هەنێ. ئێمە تەنیا پێسە کەسێوە مەلمۍ پەی ئا چالاکییە، کەسایەتیی ئێمەنە تارێخیێوە ملۊ سەروو دوژمنی، نەتەوێوە ملۊ سەروو دوژمنی و وەنەش پێچۊوە. ئی دوژمنە ئێشی فرەش دان بە گەل و نەتەوەکەیما. ڕابەرایەتیما ئیساتۍ دەسوو دوژمنینە گیریان. وەختۍ دژوو دوژمنی مردمێوە، ئێمە پا هۊشیاری و بڕوێوە ئانەیە کەرمێ. بە ڕاسیی ئێمە هەقسانەرێی تارێخینمێ. ئێمە پا ڕۊح و ورەوە هەنگامە منیەیمێ. پەوکای هەرمانەما قورسەنە. مشۊم بەرزتەرین ئاستەنە هەرمانە و وەرپەرسبییەیما بیاونمۍ یاگۍ، کە بەڕاستی ئێمە بیمۍ بە دەنگ و جوابوو هاواروو ئەدایاو کوردستانی. مشۊم ئێمە قوربانیدای و شیەینەو ڕۊشنکەرڎەیۊ و بونیادنیای و جوابایۊ ئایندەو ڕۊڵەکاو ئی گەلەیە پێشکەش کەرمێ.
دوژمن مشۊم بزانۊ کە ئامای و مەنەیۊ چی خاکەنە ئاسان نییا
چێگە ئێمە بە ئیرادێوە و قەرارداریوە تا دوژمنی بەرمۍ دلێنە ملمۍ سەروو دوژمنی. مشۊم ئی دوژمنە بە ئاسوودەیی چۍ نەمەنۊوە. هامڕێما تا ئیساتۍ بە سەدان گورزێشا وەنەو دوژمنی شانێنێ. ئینەیچ چا گورزانە کە مشۊم شنیۊ. ئێمە پێسە کەرمۍ کە دوژمنی چێگە ماڕمۍ و جارێوە تەر واوەی ڕووەش کەرڎە زاپی ویرۍ کەرۊو و بزانۊ و ویرۍ کەرۊوە کە ئامای و مەنەیۊ چی خاکەنە پاسە ئاسان نییا. ئێمە پی قەرار و ڕۊحۊ دژوو دوژمنی مردمێوە. ئانە پەیما ڕەخنە جەوێگێرتەین. وەراوەروو ڕابەرایەتیمانە، گەلەکەیمانە، هامڕایا و فەرماندەکامانە، کە ئێمەشا پەروەردۍ کەردێنمۍ، ڕەخنەجەوێگیرتەی ئێمەن. ئێمە پا بڕوا و هەڵوێستۊ رەخنەجەوێگیرتەیۊ درێژە بە هەرمانەکاما مدەیمێ.
بەڕاسییچ ژیوای پەکەکەینە چندین بابەتۍ هەنێ، تۊ چندە بڕۍ چێوێچ پێناسە کەری، ماناو وێش مەیاونۊ. وەروو ئانەی کە ئێمە گرد وەختێما جە گەنجیماوە تا ئیساتۍ دلۍ پەکەکەینە ویەرنان. گرد ڕوۍ ویرۊکەرڎەی، خولقناێوەن گرد دەیەقێوەش پەڕا. شمە تا خانەکاو لەشیتا هەست پا گیانەیە کەردێ. پێسە ئانەی نیرواناش پەنە واچێنێ، ئانە میاونۊتا بە بە نیروانای. ویرۊکەرڎەی، سەرۊمردای، ورێستەی، نیشتەیرەی، هەرمانکەرڎەی، خوای، قسەکەرڎەی، گردوو ئانیشا ئینسانی بەرەو نیروانا بەرا. ئیساتۍ تۊ وەخت دماو وەختی وێت خولقنی، بە گرد بەشێوە ئی ژیوایەیرە ملۊوە. لاو ئێمەوە پەکەکە ئانەن، هامڕایەتیی پەکەکەی، ورەو پەکەکەی، گیانوو پەکەکەی ئینەنە. ئا هامڕاییە ئا ورەبەزیندەیی مازۊماوە. ئا بیرڎۊز، ئەندێشە، هەڵوێست، جۊش و هامڕاییە سەروو پایاوە مردنۊما. چون ئێمە پارچێوەنمۍ جە ڕاێبەرایەتی. ڕابەرایەتی پێسە ئێمەش خولقنایمێ، کە: متاومۍ هەست بە گرد چێوێوە کەرمێ، جووڵەو گەڵاێوە گێرە تا ئازارەو کەسێوە. متاومۍ وێما یاگۍ ئا کەسەینە بنیەیمێرە و پێسە ئادی ویرۍ کەرمێوە. وەروو ئانەی ئەندێشە، ڕۊح و لایەنی دەروونی ڕۊ دماو ڕۊی وەرپەرسیی ئینسانەکا زیاتەر کەرۊ. پەوکای تەنیا پەی وێتا هەنگامە مەنیەیدێ، پەی نەتەوێوە هەنگامە منیەیدێ، شمە بڕواو نەتەوێوەندۍ و وەختۍ ئا نەتەوە پەشتی کەرۊ دوژمنی، پەشتی وێش بە تۊ بەسۊ و متمانەت پەنە کەرۊ و ماچۊ؛ 'گەریلاما هەن، ئادۍ وەنەپێتەیۊ چادیشا کەرا'. ئێمە هێزێوە فیداییێنمۍ کە وەنەپێتەیۊ کەرمێ. پا ئیرادە، بڕوێوە و بە گیانۊ ئێمە دژوو دوژمنی مردمێوە تا گەلەکەما گرد وەخت سەرەبەرز بۊ، کۊشیای و مدرامان گەورەتەر کەردێ. پا گیان و بڕواوە ملمۍ سەروو دوژمنی. بەڕاسی، فرە بابەتۍ هەنێ، کە مشۊم بوچیا. متاوو ئینیشا بواچوو.
دلۍ ڕێکوستەینە هامڕۍ ژەنی هەنێ، کە کەسایەتیی ئێمە دیاریی کەرا. هامڕۍ فرە بەنرخۍ بێنێ، کە ڕەنجی فرەشا پەیما کێشت. هامڕۍ گەنجۍ پێسە هامڕا بەرفینۍ پەیما ڕەنجی فرەشا کێشت، ئێمەیچ ئشناسێما و فرە ورەما چۊوە ورگێرتێ. هامڕایۍ پێسە هامڕا عەگید، هامڕا شەردا، هامڕا ڕۊناهی بێنێ، کە بە تەمەن گەنجۍ بێنێ، بەڵام داراو دڵی گەورەی بێنێ. چەنیچشا هامڕۍ بێنمێ، چەنی هامڕایا پێسە گەشمەرڎە جیگەری هامرۍ بێنمێ. سپاسشا کەرمۍ بەڕاسییچ ئادۍ بێنی کە فرەو ڕواوە ورەشا بە ئێمە بەخشا و ئێمەشا سەروو پایاوە مردنێ.
بەڕاسیی هامڕایی هامڕا ژەنا دلۍ پەکەکەینە فرە جیاوازا. ئینسان میاوۊ ئاستێوە کە شەرم جە ئەقڵیەت و پیاوەتیی وێش کەرۊوە. گیانبازی، ورە و گیانوو هامڕایی ژەنۍ پاسە کەرۊ کە ئینسان شەرم جە کەموکوڵییەکاش کەرۊ. بەڕاسی پەی ئا جموجووڵەیشا سپاسشا کەرمێ. قەرزاربارێشانمۍ پەی ئا بەهایا پەنەشا بەخشایمێ. بەرزتەرین ئاستنە قەرزەکەیما مدەیمێوە. پەوکای ئا ئەقڵیەتیە ئێمەش دلێنە زیایمۍ ئەقڵیەتوو دەرەبەگایەتیی بێ. هەرێموو سەرحەدینە هەم لایەنی ئەرێیی و هەم لایەنی نەرێیی هەنێ. ئانە یارڎەیدەروو ئێمەن، کە لایەنە نەرێییەکا نازمێ، هامڕۍ ژەنی بێنێ. ئێمە بەڕاسی سپاسوو هامڕایەتییشا کەرمێ. تا مۍ ئێمە زیاتەر قەرزاربارۍ هامڕایا ئاسیا گلیچداخ، گۊکسون و دیدار بیمێ. پا بارە شانما دان وەرش، شایەنوو خوای و هەڵوێستیشا بیمێ.
هەمان وەختەنە ئێمە قەرزارۍ تارێخینمێ، پێسە بنەیانەی ئێمە بنەیانەو حسێن پاشاینمێ، کە تاریخوو کوردستانینە داراو پلۍ و کولتوورێوەنۍ و ئێمە قەرزارۍ تاریخینمێ. وەختۍ دوژمن ورش کوا سەروو گەلەکەیما، کۊکوشییش کەرد، ناچاروو کۊچیش کەردۍ و دوورێش وستێوە. دماییچ بە خیانەت و پیلانگێڵنی ژمارێوە فرە جە ئەنداماو بنەیانەکەو ئێمەش گەشمەردۍ کەردێ. قەرزاربارێشانمێ، کە ساڵاو ١٩٢٥-١٩٣٠ و ئێمەیچ پێسە نەوەکاشا ئیساتێنە دژوو دوژمنێوە، کە تاریخەنە وەراوەروو ئادیشا گژیان گژیەیمێ. خاوەنداریی وەنەو یادیشا کەرمێ، تا پێشەکێشا قەبرەنە نەڕێزا خاوەنداری جە یادیشا کەرمێ. ئاگاما چا دەور و وەرپەرسبییەیشا هەن.
ئێمە پێسە هامڕا عەگید، یانۍ هامڕا مەعسوم کۊرکماز هینۍ یەک بنەیانەینمێ. هامڕا عەگید خۊی وێش ئارگەکەنە بە فەرماندەیی مشناسیۊوە، سەرمەشقایەتییش پەی جەنگوو گەریلای کەرد. دەمارەکامانە هەمان ونی هەنە. پەوکای مشۊم شایانۍ هامڕا عەگیدی بیمێ. کە ئەندامێوە بنەیانەکەیمانە. بە هەڵوێست و هامڕایەتییش جە ڕووەو سەروازییوە شۊڕشی نەتەوەییش خولقنا، مشۊم ئێمەیچ پا ڕۊح و ئیرادەوە کۊشیەیمێ.
هاموەخت مامۊزێکێم هامڕا ژێهات (ئەرهان سەرحەد) و سەرخۊبوون ژێهات (سینان سەرحەد)یچ پێسە ئەنداماو بنەیانەکەیما گەشمەردۍ بیێ. ئێمەیچ دەرفەتوو ئانەیما بۍ چەنی هامڕا سەرخۊبوونی هامڕۍ بیمێ. بەڕاسییچ هامڕاییش جیاواز بۍ ورەما چەنە ورگێرت. پێسە موچیۊ جەوهەر و کەسایەتیی شکۊمەند و بێگەردوو سەرحەدی لە کەسایەتی هامڕاییشنە بێ. کەسایەتیی هامڕاینە دڵسۊزی پەی کولتووروو وێش بێ. ڕەنگە ماوێوە کوڵ پێوەرە بیێبیمۍ دماتەر هامڕا گەشمەرڎە بی، قەرزارێشنمێ. ڕاسیینە بەشداربییەیمانە هامڕا ژێهات دەوری یەکلاکەرەوەش بێ. وەختێو گەشمەرڎە بی، قەرارم دا بەشدار بوو. فرەو جارا لوێنا سەروو قەبرەکێش و قسێش چەنی کەرێنا. قەرارەکەم پەی بەشداربییەی و ڕێکوستەی جمیەرەکەینە یەکلاییکەرەوە بێ. قەرزاربارشنا، مشۊم منیچ شایەنەو ئا هامڕایا بوو. مشۊم زیاتەر دەور گێڵنوو و خاوەنداریی جە هەرمانەکێم کەروو.
ڕابەرایەتی ماوێوە فرەن ئینا گۊشەگیریینە. کەسایەتیی ڕابەرایەتیینە گۊشەگیری سەروو گردوو گەلەکەیماوە هەن، پای ماڕای ئا گۊشەگیرییە، چێشما جەدەس مۍ ئامادێنمێ. چونکوم ئانە ئێمەش خوڵقنایمۍ یاونایمێش ئێگە ڕابەرمانە. ئا دەسا ماڕمۍ کە جە ڕابەرایەتیما بەرزۍ کریاوە، چی دمایۊ جە کەسایەتیی هامڕا ئەرداڵی و ڕۊژهاتینە خەنجەرێما وەنەو دڵوو دوژمنی شانا. دیسان مدەیمێش وەنە. تا گۊشەگیری سەروو ڕابەرایەتیما ورگیریۊ و ئازاد کریۊ چێشما جەدەس مۍ کەرمێش. ئا بڕوا، پاگێرتەیرەی و باوەڕمەندییەما هەن. ئێمە شایەنۍ ڕابەرایەتیما بیمێ، ئانە ڕابەرما کەسایەتیی وێشنە ئایندەو نەتەوێوەش فاڕا. ڕابەرایەتی ئا گەلا ئەرەگیرا واچێنۍ 'ئا گەلە ئیتر نمەتاوۊ وێگێری کەرۊ، ئا گەلە نییە، ئێمە چێروو خاکینە شارتماوە' زیندەش کەردێوە. بە شانای تۊمێوە زەمیننە واوەی ئادێش خولقنێوە. ئێمە ئارۊ بەرهەمەکەیش وینمێ. ئا هۊشیارییە وەرنیشتنە، حەرچوار پارچەو کوردستانینە هەن، بەرەنجاموو ئا فاڕیاینە و ڕاسیینە بە گردوو جیهانیرە وەڵا بۊوە و کەسایەتیی ڕابەرایەتیینە موینیۊ. ڕابەرایەتی پاڕادایمێوە پاسنەش وەش کەرڎەن، کە گردوو جیهانی بە سەرەسڕمەنەیۊ وینیۊ و شۊنیشرە ملۊ. چونکوم گردوو جیهانی، دەوڵەتۍ ئەرەگیرێ، هێزە ئیمپریالیستییەکۍ پاسە فکرۍ کەرێنێوە، کە ئیتر 'ئا گەلە، ئا نەتەوە، گەلاو وەرکەوتوو دلێڕاسەی مەتاوا کوۍ کریاوە'. بەڵام ئارۊ موینمۍ کە ڕابەرایەتی گردوو گەلاو وەرکەوتوو دلیڕاسەیش کوۍ کەردێوە. گردیچ بە زوان و کولتووروو وێشاوە کۊشیا. کۊکرڎەوە. هەمووشیان بە زمان و کولتوری خۊیانەوە تێدەکۊشن. حیچ کامێوەشا چەوی تەری نە زیادا و نە بەرزتەر. پاڕادایموو گەلا، پاڕادایموو وێڕاوەبەریی دیموکراتیکی بە گردوو دۊڵەمەندییەکاوە بەزیندەیی مەنەنۊ. جە کەسایەتیی وەرنیشتینە موینیۊ. ئانە جە سایۍ ڕابەرایەتیینە هەن. ئێمەیچ جەنگوانۍ و فیدایۍ ڕابەرایەتینمێ. ئێمە ڕاویارۍ و شۊنکەوتۍ ڕێبازوو هامڕا زیلانینمێ. دەور و وەرپەرسییما چکۊنە بۊ مشۊم بەرزتەرین ئاستنە بیاونمێش یاگێ. ئێمە پا بڕوا و ئیرادەماوە چۍ ئامادێنمێ. با ڕێکوستەیەکەما پەشتی بە ئێمە بەسۊ و متمانێش پەنەما بۊ، ئێمە بە ئێمە ئا ئیرادەما هەن.
جگە چانەی کە واتم، پەی گردوو هامڕایام مەیدانەکاو جەنگی و هامڕایاما، کە چوارلاو جیهانیوە کۊشیا، هومێدوو سەرکەوتەی موازوو".
