جە مەنتێقەو بۆرنهایموو شاروو بۆنوو ئەڵمانیاینە بنەیانێوە خەڵکوو عەفرینی تووشوو کارەساتێوە گەورەی بیێوە.  

بە پاو زانیارییەکا، بنەیانەو هیمسۆرۆی، کە ٤ کەسێنێ، ڕۆو دووەشەممەی پەی گەشتوگێڵی سەرێ بەحروو ڕەینیشا دابێ.

حەردووە زارۆڵێ بنەیانەکەی کە حەوت و چوار ساڵێ بێنێ، لوێبێنێ دلێ ئاوەکێ و ئاوێ بەردێبێنێ.

حەمید عەبدۆ تاتەو زارۆڵەکا حەوڵی ڕزگارکەردەی زارۆڵەکاش دێبێ، وەلێ مەلێش نەزانێبێ.

زاڕۆلە ٤ ساڵەکە تاوابێش وێش ڕزگار کەرۆ، وەلێ تاتەکە و زارۆڵە حەوت ساڵەکەش نەتاوابێشا وێشا ڕزگار کەرا.   

تیمەکانی فریاکەوتەی دماو سەعاتێوە جەنازەو تاتەوکوڕەکەیشا ئاوەکێنە بەرئاردیوە، بە پاو زانیارییەکا هاموەڵاتییەكی خەڵکوو دەگاو قیبارێو عەفرینینێ.

س.ز