تولای حاتەم ئۆغولارە مەراسیمو رای کەردەو تەرمو سری سورەیا ئۆندەر سەبارەت بە هەوڵەکێش پەی ئاشتی واتش: "قسەکێت حەجگیز زەمینەنە مەمەناوە، ئینجارە بە دڵنیاییۆ سەرێ گنمێ، ئێمە قەد جە ویرت مەکەرمێنە."
ئارۆ تولای حاتەم ئۆغولارە هامسەرۆکەو گرڏی پارتو یەکسانیی و دیمووکراسی گەلان- دەم پارتی، جە مەراسیمئ یاڏکەردەیۆنە سری سورەیا ئوندەر ئەندامو شاندو دەم پارتی و یاگە گیرو سەرۆکو پەرلەمانی پەیامتوەش ئەرەیاونا.
تولای حاتەم ئۆغولارە جە پەیامەکەنە ئاماژەش پانەیە کەرد، دوعاو گرڏیما ئانە بێ، کە ئۆندەر ئی نەوەشیییە ویەرنۆنە ودلێ ئێمەنە بۆ، بەڵام داخەم مەشۆ پاسە نەبێ، بەنامێ پارتیماوە سوپاسو گرڏ لایێ مکەرمێنە، کاتو نەوەشییەکەیشەنە بە باوەشکەردەی گرڏ و بەشەکا گلێرگەی، پەیامو گلێرگە و دیمووکراتیک و ئاشتی بێ، کە ئۆندەر هەوڵو بەدەسئاردەیش دێ، ئوندەر تەنیا نوویسەرو، هونەرمەند و سیاسەتمەدار نەبێ، بە ملیۆنان کەسێ جە کەسایەتی تۆنە ڕازەو وێشا وینا.
ڕازە و ژیوایت ڕازە و ژەنێ و خێزانو ئی هەرێمەیە بێ، حەر پۆکەی فرە دڵسۆزانە تاوات سەرو گرڏ ئێشەرە زاڵ بینە، نەوەشییەکەت جە گلێرگەنە دەورێ یۆگێرتەیش ئەنجامدا، چێش بۆنە بابۆنە تۆ پەی ئاشتی هەوڵی فرەت دا، پەی تورکی، پەی کوردی، عەرەب، پەی هەڤاڵات جە غەریبینە، هەوڵت دا پەی دمای ئاردەی بە هەڵسەو ئەیایا تورکی و کوردی، هەوڵی فرەت دا پەی بانگەوازو ئاشتی و گلێرگەو دیمووکراسی، بڕوات بە ئاشتی خەریکا مێ دی، چی ئەوەکۆشاینە باجێوە قورسما دا، سەرەم پەی گرڏ و هەڤاڵاما منامنورە، کە چی ئەوەکۆشاینە قوربانیشا دان.
ڕاو ئاشتی، دادپەروەری و دیمووکراسی تەسکە و پێچاوپێچ و تیژەنە، تۆ واتت “ئێمە سەرگنمێنە، ئێمە ئاشتی پێک مارمێنە” تۆ ئاگادارو گرڏ چێوێ و ئانەیچ بینی، حەر پۆکەی دڵت مردان، تۆ واتت، ئینجارە سەرێ گنمه، ئێمە بڕواما پی چێوەیە هەن و سەرێ گنمێ، قسەکێت حەجگیز جە زەمینەنە مەمەناوە، ئینجارە بە دڵنیاییۆ سەرێ گنمێ، با ئینە قەولو ئێمە بۆنە پەی هەرکەسێ، کە چی خاکەنە قوربانی مڏۆنە، خوات چنی هەڤاڵی قارەمانما، ئێمە حەجگیز ویرت مەکەرمێنە.
