ناۋەنڎو چەمڎاری ماڎە هۊشبەرەکا ئەوروپا (EMCDDA)ی ڕاپۊرت(گوزارشتە)و ئاوەی پیسەی ئەوروپیی پۍ ساڵەو ٢٠٢٢ ۋەڵاکەرڎۊ. بەپاو گوزارشتەکۍ، تورکیا جە بەکارئارڎەو ماڎە هۊشبەرەکانە ئینا ڕیزبەندی پەنج ۋڵاتا یوۋەمو بەکارئارڎەو ماڎە هۊشبەرەکانە.
چېرو دەسەڵاتو ئاکەپەینە بەکارئارڎەو ماڎە هۆشبەرەکا جە تورکیا ڕووەش جە زیاڎبیەی کەرڎەن. تورکیایچ ئینا گوزارشتەو ئاوەی پیسی ئەوروپاینە پۍ ساڵەو ٢٠٢٢ ۍ، کە میانگەو چەمڎاری ماڎە هۊشبەرەکا ئەوروپا (EMCDDA)ی ئاماڎەش کەرڎەن. گوزارشتەکۍ ئاماژە پانەی مکەرۊ، کە بەکارئارڎەو میتانفێتامین، کە چی دماییەنە فرەتەرین بەکارئاوەرش هەن، بەکارئارڎەیش جە ئیستەنبول و ئەدەنەنە زیاڎش کەرڎەن.
گوزارشتەکۍ ئاماژە پانەی کەرۊ، کە بەکارئارڎەو میتانفێتامینی جە "تورکیا، بەلجیکا، قوبرس، ئەڵمانیای ۋەرکەوت، ئیسپانیا، دانیمارک، فینلەندا لیتوانیا و نەرویج" زیاڎش کەرڎەن.
جە ساڵەکا ۲۰۲۱ و ۲۰۲۲ ېوە ۋنەکۊڵیای سەرو ئاوۍ پیسۍ کریۊ، بەکارئارڎەو ئەمفیتامین و میتانفێتامینی جە تورکیا جە ماوەو چن ساڵی ۋیەرڎەینە زیاڎشکەرڎەن. ئاماژە پانەی کریان تورکیا ئینا دلۍ ئا ۋڵاتانە کە فرەتەرین چا جۊرە جە ماڎەی هۊشبەرش دلېنە بەکار مۍ.
جە ٦۰ ۋڵاتېنە، کە بەکارئارڎەو میتامفێتامینی جە مابەینو ساڵەکا ۲۰۲۱ پۍ ۲۰۲۲ ېنە چنەشانە زیاڎش کەرڎەن، حەر یۊ جە ۋڵاتەکا "چیک، لاتیڤیا، ئەڵمانیا و قوبرس"ی هەنۍ.
هـ .ش
