گرنگ نییا ئینسان چن ژیوۆنە ، گرنگ ئانەن چنین ژیوۆنە، مام بەهادین پێشمەرگێوە کۆن بێ، شیعرێش وەشێسیێنێ و وڵاتپارێزێوە نمونەیی بێ، هیزی دووەشەممە ٥و ئایاری ٢٠٢٥ مەلا بەهادین دەروێش تاهیر تەمەنی ١١٣ ساڵینە عەمرە و خوایش کەردە.

جە مەڕاسیمو نییایشەنە فرێ جە کەسایەتییە نامدارەکا شارەکەی قسێشا کەردە و ئەرەیاوناشا کە تا جە ژیواینە بێ نموونە و سەرمەشق بێ پەی گرڏ کەسێ و تەنانەت دماو مەردەیش جە دڵو گرڏیمانە مەنۆوە، خەڵکو کەرکوکی جە قوڵایی دڵیشاوە دڵگرانێ بێنێ بە ژنەوییەو عەمرەو خوای مام بەهادین.

مام بەهادین گرڏ و ژیوای وێش جە ژیوایێ پەڕ جە ئەوەکۆشای و وێڕاگیرینە بەرد سەر، هەمیشە نموونەو کەسێوە ووڵاتپارێزی و کوردپەروەری بییەن پەی گرڏ و چین و توێژەکا شارو کەرکوکی، هورچنییەو ئەنجوومەنو پارێزگاکا عێراقینە جە رۆو ١٨ ومانگەو ١٢ی ساڵەو ٢٠٢٣، یۆ جا کەسا کە بەشداری هورچنییەکەی بی و ویناو بەشداریکەردەی نامبریای کاریگەرییێ گۆرەش جە دڵ و گرڏیمانە وەشکەرد، دیمەنو مام بەهادینی بێ.

مام بەهادین ئا شیعرێ کە بە دەنگە بەسۆز و بەهێزە کەیش پەی ئاژانسو هەواڵو فوڕاتی (ANF) واناشۆ، شیعرەو "کوردەنا من، کوردەنا من"هێمن موکریانی شاعیر بێ، یاگێ وێش جە دڵو گرڏ کوردێنە کەردۆ و بیی بەنموونە و سەرمەشق پەی گرڏیما.

مام بەهادین جە قسەکاشەنە داواش جە گرڏ و کوردا کەرد بەشداری هورچنییەکەی بانە و ئینەش وات: "شەرما خەڵک نێ بەشداری هورچنییەی بکەرۆ، فرە شەرما پەی گرڏ کوردێ کە ئارۆ دەنگ نەڏۆنە".