ورچنیەیە وێمانەکا: دەم پارتی سەروو ئەزمیری و موغلەی و بالیکەسیری قەرارش دا
پارتوو یەکسانی و دیموکراسیی گەلا (دەم پارتی) قەرارش دا ئەزمیر و موغلە و بالیکەسیرینە ناوەندنە و گردوو مەنتێقەکاشانە بە کاندیدوو وێش بەشداریی ورچنیەی کەرۆ.
بە پاو قەراری تازەو دەم پارتی پێوەس بە ورچنیەیە وێمانەکاو ٣١ ئاداری، بێجگە جە شارەوانیی شاری گەورەو ئەزمیری و شارەوانیی شاری گەورەو بالیکەسیری و شارەوانیی شاری گەورەو موغلەی گردوومەنتێقەکاو ئا شارانە، دەم پارتی بە کاندیدوو وێش بەشداریی ورچنیەی کەرۆ.
بەپاو ئاژانسوو هەواڵوو میزۆپۆتامیای، دەم پارتی شاروو ئەزمیرینە و گردوو مەنتێقەکانە کاندیدەکێش دەسنیشانێ کەردێنێ. ئەرەیاونیا کە ئاکین بەردال بۆ بە کاندیدوو شاری گەورەی و نامێ کاندیدی دووەمی هەڵای دیار نییا.
کاندیدوو هامسەرۆکوو شارەوانیی شاری گەورەو بالیکەسیری محەمەد ڕەئوف کۆجامان و نازلی بایباسن، کاندیدێ هامسەرۆکوو شارەوانیی شاری گەورەو موغلەشی یوسف ئۆڵوداغ و جاندان سوسۆین.
