وۆرکشۆپو ژنۆلۆژی بە نامونیشانو "جە سەڎەو ٢١ینە سیاسەتو ئەرەکۊشای جە دژو سیستەمو دەسەڵاتداری پیای و شێوازەکاش " بە بەشداری چڼین کەسا جە پەرلەمانتارا و هامسەرۆکا پارتەکا دەسشپنەکەرڎ، کە هامسەرۆکو گرڎیی پارتو هەرێمە دیموکراتیکەکا چیدەم کلیچگون ئوچارییەس ئینا چنە.

جە هۆڵو وۆرکشۆپەکەینە لافیتەو " جە سەڎەو ٢١ینە سیاسەتو ئەرەکۊشای جە دژو سیستەمو دەسەڵاتداری پیای و شێوازەکاش " هۊرواسیا بۍ.

جە وۆرکشۆپەکەنە ئەندامەو لوجنەو وەشانو گۆڤارو ژنۆلۆژی دەریا ئایدنە بە یاڎکەردەیۆ ناگیهان ئاکارسەلۍ دەسش بەقسەکاش کەرد و واتش: "ئارۆنە جە گرڎ یاگۍ جەهانینە ژەنی ڕوبەڕوو دەسدرێژی بەکۆمەڵی مەباوە، ژەنی جە ۋەرکۊتوو مېیامینینە تا بیاوۆ بە ئۆروپای جە بەرەکا وەڵێ وەڵێوە مڎرامانینە جەنگ مکەرا. بەڵام جە ئیساتێنە بەرەی پیاسالاری گرڎو دەسکۊتەکا ژەنا مکەرۆ ئامانج."

جە بەردەوامینە واتش: "دماو نیایرەو قەیومی جە ساڵەو ٢٠١٦ینە ۋەر بە ئەرەمەرزیای و جەمەکا ژەنا گیریا. هەرپۊکەی ژنۆلۆژی هەوڵمڎۆ بە میراتو زانستی ٥٠ ساڵەو ژەنێوە کۆششێوە تازەو ئەرەکۊشای خوڵقنۆ. ژنۆلۆژی هەوڵمڎۆ ئەوەکۊڵیای جە کۆدەکا پەنج هەزارساڵەو تاتە سالاری بکەرۆ، مەرامشا کە زانستو ئازاڎکەردەی ژەنۍ پێشکەش بکەرۆ."

جە دمادمایی قسەکاشەنە دەریا سەرنجش وست سەرو ١٠ ساڵەو ژنۆلۆژی و گرنگی وۆرکشۆپەکەی پەی خەباتو ژەنا.

وۆرکشۆپەکە بەردەواما...