کاندیدو لیستو ڕەوتی هەڵوێستی جە پارێزگاو دهۆکی، بەدەل بەرواری سەرنجش وست سەرو گرنگی هۆرچنیەکا و واتش: "ئا دەسەڵاتەی پەشتگیری دژمنو گەلوو کوردی مکەرۆ مشۆم جە تاریخو کورڎةسانینە سیاو بکریۆوە."
ئارۆ دەنگدای پەی هۆرچنیەو خولو ششەمو پەرلەمانو هەرێمو کورڎەسانی بە دەنگدای تایبەت دەسشپنەکەرڎ، چا بارۆ بەدەل بەرواری کاندیدو ژمارە ١ی سەرو لیستو ڕەوتو هەڵوێسی جە پارێزگاو دهۆکی پەی ڕۆنامەو ڕوناهی قسێش کەردۍ. ئا کاندیدە باسش جە گرنگی هۆرچنیەکا پەرلەمانو هەرێمو کورڎەسانی کەرد و ئەرەیاۋناش: "پەی هۆرچنیەو ئیجاری هەوڵمڎەیمۍ فرەتەرین دەنگدەرۍ بەشداری پرۆسەکەی بکەرا پەی ئانەی ئی دەسەڵاتە کە پەشتگیری مڎۆ بە دژمنا گەلوو کوردی جە تاریخو کورڎەسانینە سیاو بکریۆوە و نازیۆنە."
'دۆڵەتو تورکی پەشتیوانی پەدەکەی مکەرۆ'
جە بەردەوامی قسەکاشەنە بەرواری ئاشکراش کەرڎ، پەدەکە جە تەرسەو جە دەسدای دەسەڵاتەکەیشەنە هەرچی فرتوفێڵا گێرتەنشەنە ۋەر و واتش: "دۆڵەتو تورکی ئەرەگیر جە فرەو شارەکا پانیشتوو کورڎەسانینە ئینا هەوڵو کۆکەردەیۆ دەنگینە پەی پەدەکەی. ئی پەشتیوانیە بە ئاشکرا بەرکۆتەن."
'پەدەکە پەی درێژەدای بە گەمەکا ۋێش پەکەکەش کەردەن بە بەهانۍ'
بەرواری باسش چانەی کەرڎ بە هیچ جۆرۍ پەکەکە بەشدار نەبیەن جە هۆرچنیەکا پەرلەمانو کورڎەسانینە و پی جۆرە دمایش بە قسەکاش ئارڎ: "گەمە و فرتووفێڵەکا پەدەکەی و دۆڵەتو تورکی ئەرەگیری کە ماچا پەکەکە بەشدارو هۆرچنیەکا پەرلەمانی بۆنە ناڕاسێنۍ. هیچ نیا بێجگە جە هەوڵدای پەی تێکدای سەقامگیری هەرێمەکەی. تەرسەو پەدەکەی جە دەرەنجامو کەمبیەیۆ کورسیەکا پەرلەمانیشا، پۊکەی سەرەڕاو گرڎو پڕوپاگەنڎەکا پەدەکەی و دۆڵەتو تورکی کۆشش مکەرمۍ کە گەلەکەما دەنگو ۋێش بڎۆ."
