وەختۍ ڕا نەڎریا جە کۊڵانەو یەنی کۊی جە مەنتیقەو خەلیلییەی جە پارێزگاو ڕحای چەمڎارۍ دەنگو ۋېشا بڎا، شاندو پارتو چەپی سەوزی یاۋا کۊڵانەکۍ.

شاندەکە پېکئامابۍ جە پەرلەمانتارو پارتو چەپی سەوزی فەرید شەنیاشار، هامسەرۊکا هەدەپەو شارەکەی ئەحمەد ئاتیش و غەریبە یەشیل ئیشیل، هامسەرۊکو دەبەپەو شارەکەی وەحید ئاکگون و پارێزنەرا جەمەو پارێزنەرا ڕحای، بەڵام جەلایەن و تەرەفدارا ئاکەپەیوە بە دارو تەۋەن هجومشا کریا سەر.

ئاکەپەییەکۍ جە هجومەکەیشانە پەنجەرەو ترۊمبېلەکاشا ماڕا، تنوتیژی وەران ۋەر بە فەرید شەنیاشاری ئەنجامدریا، کامێرەو پەیامنێرو ئاژانسو میزۊپۊتامیا (MA)ی ، کە رووماڵو روۋەداکەی کەرۍ مەڕیا. بڕۍ جە ئەنڎاما پارتی تاۋاشا ۋېشا جە یاگۍ ڕوۋەداکەی دوور وزاوە. هاموەخت چنی هجومەکەی جە مەنتیقەکەنە دەنگو تەقەیچ ژنەویۍ.

هـ . ش