ئەوەتەقایۊکەو هېزی، ڕۆو شەممەی جە ئەسکەلەو بەندەر عەباسینە قۊمیا کە دەروازێوە کاریگەرو بازرگانی ئێرانیا و  سەڎەنە ٨٥و کاڵاکۍ ئێرانی چاوە موېیەرانا.

ئەوەتەقایۊکەی زەرەرۍ فرەش دان، دووری دەیان کیلۆمەتراوە دەنگی بەهێزو ئەوەتەقایۊکەی ژنەوېیان.

مېیانەکۍ ئەرەیاۋنای دۊڵەتی بە پەشت بینای بە واچەکا موجتەبا قەهرەمانی، سەرۆکو دادوەری پارێزگاو هورمزگانی ئەرەیاۋناشا: "لاوکەمیۆ ٢٥ کەسۍ ژیۋایشا جە دەسدان." هامکات تەلەفزیۆنو دۊڵەتی ئەرەیاۋنانش کە ١٠٠٠ کەسۍ زامڎارۍ بیێنۍ.

تا ئیساتۍ مەڵامەتوو ئەوەتەقایۊکەی نەزانیان. ئی بەندەرە ستراتیجیە نزیک بە بەندەر عەباسیا، کە شارێوە گۊرەی کەناراوییا سەرو گەروو هورمزیۆ کە بەشێوە فرەو نەوتەی بەرهەمئامۍ جەهانی چاوە موېیەرۆ.

جە لایەنو سەرۆککومارو ئێرانیوە ئەمرەو ئەوەکۊڵیای پەی ئێستەیۆ مەڵامەتوو ئی کارەساتیە بەرشیەن.

بەپاو گوزارشتێوە گومرگی کە جە تەلەفزیۆنو دۊڵەتینە پەخش کریانۆ، گومانە مکریۆ ئەوەتەقایۊکەی بە مەڵامەتوو ئێر کۊتەیۆ جە کۆگێوە ماددە کیمیاوییەکانە ڕووەشدا بۆ.

بەپاو ڕۆنامەو نیویۆرک تایمزی بە پەست بینای بە سەرچەمېوە نادیاری و نزیک جە سوپاو پاسدارا، ئەوەتەقایۊکەی بەمەلامەتوو سۆدیۆم پرکلۆراتیوە بیەن، کە جە پېکئاماو سووتەمەنی موشەکینە بەکارمۍ.

بە پاو ئەرەیاۋناو ناوچەکەی، حکومەت ئەمرەو وستەیرەی شۊنە ئیداریی و ۋەننگەکا شارو بەندەر عەباسی کە ژمارەو ئەرەنیشتاش نزیکەو ٦٥٠هەزار کەسان دان.

هەرپاسە وەزارەتو تەندروسی داواش جە هاموڵاتیا کەردەن تا ئاگاڎارۍ کریاوە جە یانەکاشانە مەناوە و جە کاتو لوای جبەریشانە کەمامە به کار بەرا.