ئەندامو شاندو ئیمراڵی ئەحمەد تورک پەیامو، "گیان جە دەسداو سری سورەیا ئۆندەری قارەمانی، جە دەسدایێ گۆرەن. بەڵام نەوەکێ، با قەولو من نۆنە، هەتا کوو ئا ڕووەی یاومێنە بە یەکتری چی ڕێ بەردەوامێ بیمێ."
ئەندامو شاندو ئیمراڵی پارتی یەکسانی و دیموکراسی گەلا (دەم پارتی) و یاگەگیرو سەرۆکو پەرلەمانی سری سورەیا ئوندەر، هیزی گیانش جەدەسدا. دماو گیان جە دەستدای ئوندەری، فرێ جە ڕۆشنویرا، نویسەرا، ڕۆنامەنوویسێ، نوێنەرو پارتە سیاسییەکا و ڕێکوزیاکا پەیامشا وەڵاکەردۆ.
هامسەرۆکو شارەوانی مێردینی ئەحمەد تورک کە یاگێ ئاڏنە قەیوم سەپنریا و ئەندامو شاندو ئیمراڵی سەرو پەڕەو ڕەسمی دیجیتاڵ میدیایی وێشنە واتش: "گیان جە دەسداو سری سورەیا ئوندەری قارەمانی، جە دەسدایێ گۆرەن. جە ئاشتی تاوەکو واڵە و-برایەتی و دۆسایەتی، چ چێوێ زەریف بیێ وێش پێ فیداکەرێ. فرە قورسا پەڕکەردەیۆ یاگێ ئاڏی، کەسێما جەدەس نەرا، فرە کەسێما جەدەسدێنێ. بەڵام نەوەکێ، با قەولو من بۆنە تاوەکو ئا ڕووەی یاومێنە بە یۆتری چی ڕێ بەردەوامێ بیمێ... با قەول بۆنە."
