ئەڵمانیا گەرەکشا سەلاحەدین ئەرکولی رادەسو تورکیای بکەرۆوە
سەلاحەدین ئەرکول کە تورکیانە بە بەهانۍ ئەندامیەتی جە ڕێکوزیای و پروپاگەندەی دادگایی مکریۆ، سەرسەعبو ئارۆی پەی ئانەی دیپۆرتو تورکیای بکریۆوە، فاڕیاوە پەی فرۆکەخانەو هامبورگی.
سەلاحەدین ئەرکول کە تورکیانە بە بەهانۍ ئەندامیەتی جە ڕێکوزیای و پروپاگەندەی دادگایی مکریۆ ، ساڵەو ٢٠٢٢ داواکاری پەنابەریش پێشکەش بە ئەڵمانیای کەرڎەن.
سەلاحەدین ئەرکول کە شارو کیەلینە چەمەڕاو هۊرگێرتەیۆ جوابو داواو پەنابەری بۍ، ١٩و ئەیلولی پەی ئانەی شناسنامەکەیش تازە بکەرۆوە سەرش ۋنەو بنکەو پۆلیسو کۆچبەرا دابۍ.
فەرمانگەو پەنابەری ئەڵمانیای هیج جوابێوە داواکاریەکەیش نەڎانۆ و سەلاحەدین ئەرکول دەسبەسەرکریان و دماتەر بەمەبەسو رادەسکەردەیۆیس بە تورکیای فاڕیانۆ پەی فڕگەخانەو هامبورگی.
سەرەڕاو ئانەی ئەرکول ئەرەیاۋنانش، کە جە ئەگەرو و رادەسکەردەیشۆ بە تورکیای رووبەڕوو سزای مەبۆوە و پێوەس بە ڕەڎکەردەیۆ داواکاری پەنابەریش هیچ بەڵگێوەش پێشکەش نەکریان، بەڵام ئەڵمانیا سوورا سەرو رادەسکەردەیشۆ.
