ئەندەنوسیانە پەرسو ژنۆلۆژی تاوتوێ کریا
ئەندێشەکۍ رابەرو گەلوو کورڎی عەبدوڵا ئۆجالانی جە بارەو ژنۆلۆژییوە، جە چالاکیێنە جە وڵاتو ئەندەنوسیاینە تاوتوێ کریۍ.
گروپێوە جە خۆنکارا پاپوایی و نوێنەراو رێکوزیاکا گلێرگەی مەدەنی جە ڕاو وەڵینێوە سەرو پەرسو تاریخو میزۆپۆتامیای و ئا دیمەنا کە جە لایەنو ئەکادیمیاو ژنۆلۆژیوە ئاماڎە کریابۍ، دەسشا پا چالاکییە کەرڎ.
جە گفتوگۆکانە باس چانەی کریا، کە ئا فێمینیزمەی پێوەسا بە نەریتو ۋەرنیشتیۆ چنی ئەندەنوسیای و پاپوای یۆ نمەگێرۆوە و زیاتەر گرنگی بە دیموکراسی بێدەوڵەتی و ئایدۆلۆژیاو رزگاری ژەنۍ دریا.
هەرپاسە ئانەیچ ئەرەیاۋییا کە ئەندێشەکۍ عەبدوڵا ئۆجالانی رەهەندە کەموکوڵیەکۍ هزرو سۆسیالیستی سەڎەو ٢٠یشا پەڕکەردەنۆ و جگە چانەیچ پەرسو ۋێپارێزنای و ۋەرگیری جە ۋێکەردەیچ وزیا ۋەرو باسی.
ئا چالاکیەی جە لایەنو ناوەندو ئەی بی سی و رێکوزیاو کرێکاراوە سازکریا بۍ، یەرەم چالاکی پا جۆرەینە کە سەرو مژارو ژنۆلۆژی جە ئەندەنوسیانە رێکوزیۆ.
