ڕاپیماکەی جە چوارڕیانو کەڤۆک (کۆتر) جە کۆڵانەو تەل حەجەرو شارو حەسەکەینە دەسش پنەکەرد و تاوەکو چوارڕیانو گەشمەرڏە سەرحەدی جە کۆڵانەو مفتی بەردەوام بۆنە، چاکە  فاڕییا پەی گلێرۆبییەی و دەقێوە ڕێز پەی گەشمەرڏا ئازادی کوردەسانی تەرخانکریا.

وانایۆ پەیامو ڕاپیماکەی

جە ڕاوەبەرا کۆنگرەو ستارو شارو حەسەکەی ناهیدە سلێمانە قسێش کەردێ و ئاماژەش پانەیەدا بە ڕۆحو گەلوو قارەمانی و ژەنە ئازادا جە سەیەو فکر و فەلسەفەو ڕابەر ئاپۆی گەل ئازاد بییەن و واتش: "٢٦ ساڵێن ڕابەر عەبدوڵا ئۆجالان ئینا زینانەنە و گۆشەگیرییێ سەخت جە دژو ئاڏی ملۆڕاوە. ڕابەر ئاپۆ پەی ئازادی تەمامو پێکئامایەکا ئەوەکۆشۆنە. مشۆم خاوەندارێتی جە فەلسەفەو ڕابەر ئاپۆی کریۆنە و پەی ئازادی جەسەیی ئاڏی ئەوەکۆشمێنە."

جە دماین و قسەکاشەنە ناهیدە سلێمانە ئاماژەش پانەیەدا، ڕابەر ئاپۆ ئانەی وەڵتەر بە ژەنا نەدریا بێ، بەخشا و ئیتر ژەنی شۆڕشو فاڕییای و وەڵکەوتەی بەرا ڕاوە.

هەرپاسە هامسەرۆکو ئەنجوومەنو شارو حەسەکەی فاروق تۆزۆ قسێش کەردە و واتش: "جە سەیەو فکر و فەلسەفەو ڕابەر ئاپۆیۆ یاوا ئی ئاستە. "هەرێمەکا سەرنیشتوو وەرکەوتوو سووریای جە سەیەو ئا پرۆژەیەی کە ڕابەر عەبدوڵا ئۆجالان پێشکەش کەردەن، پێوەرە مژیومێ."

فاروق تۆزۆ ئاماژەش پانەیەشدا بانگەوازەکەو ڕابەر ئاپۆی پەی وەرکەوتوو مییامینی چارەسەرییا و واتش: "ئی بانگەوازە پەی تەمامو جەهانی کریان، تاوەکو سەقامگیری و ئارامی بە دی بێنە. ئی بانگەوازە سەرو ئاستو تەمامو جەهانی قبوڵکریا."

ڕاپیماکری بە دروشموو "بێ سەرۆک ژیوای مەبۆنە" دمایش ئاما.