هامسەرۆکایەتی کۆنسەو ڕاوەبەری کەجەکەی بە بۆنۆ و مەردەو پ پاپای ڤاتیکانی، پاپا فرانسیسی پەیامێوە سەرەوەشیش وەڵا کەردۆ.

ئەرەیاوناکەینە وچیا: "مەردەو سەرۆکو ڕوحانی جەهانی کاسۆلیک و سەرۆک‌ دۆڵەتو ڤاتیکانی خەمبارش کەردیمێ."

ئەرەیاوناکەی پی جۆرە بەردەوام بێ:

"پاپا فرانسیس کە خەڵکو ئەرجەنتینی بێ، گرڏ کاتێ پەشتەو گەلیۆ بییەن. پۆکەی مەردەو پاپا فرانسیسی جە دەسدێوە گۆرە پێ پەی ئینسانییەتی. پاپا فرانسیس جە ماوەو ١٢ ساڵا پاپا بییەیشەنە چنین سەرکۆتێش بەدەسئاردێ. جە وەراوەرو جەنگو بەرژەوەندیی قڕکاری مۆدێرنێتو سەرمایەدارینە، کە سەرو هەرێمە جۆربەجۆرەکانە سەپنێ، گرڏ کاتێ پاپا فرانسیس هەڵوێسێوە ڕۆشنش نیشانە دان. جە ڤاتیکانەنە مۆرەو وێش دا جە ڕیفۆڕم و فاڕییاو هەرە گرنگی، سەردانو چنین ناوچێ جیاوازێ جەهانی و بە تایبەت کوردەسان و وەرەکەتوو دلێڕسەیش کەرد، پاپا فرانسیس گرڏ کاتێ بە رووە وەشەکێش بە 'شۆرشو میهرەبانی ' بیی بە دەنگو ئاشتی، وەشەویسی و دلۆڤانی. پاپا ڤاتیکانی چنی چێردەسا و قوربانینە بێ، وە گرنگی دێ بە دەورو ژەنێ و جوانا.

پاپا فرانسیس کاتو جەژنەو پاسکالانینە عەمرەو خوایش کەردە، پۆکەی خاوەنو بەها و مانادارییێ مەعنەوی و ڕوحانییا. بەمەڵامەتو کۆچکەردەیشۆ سەرو جەهان و کاسۆلیکی و، گرڏو کریستییانا جەهانی و، دۆڵەتو ڤاتیکانی، بنەیانە و وەشەویساش،، گرڏو ئا کەسا کە پەیامو خاسی و ئاشتیی وازەکا جە جەهانەنە وەڵاکەرێنێ، سەڵامەت بۆنە. ڕوحو پاپا

فرانسیسی شادبۆنە."