هامسەرۆکو گرڏی پارتو یەکسانی و دیموکراسی گەلا (دەم پارتی) تونجەر باقرخان دماو گلێرۆبییەو پارتەکەیش جە بیناو پەڕلەمانینە جواب و پرسیارو ڕۆنامەواناش داوە و هورسەنگنایش پەی قسەکا واتەواچو ئاکەپەی عومەر چەلیکی کەرد کە واتەبێش، "دلێ مانگێنە پرۆسەکە وەڵکەوتەی تازە وێشۆ وینۆنە."

باقرخان واتش: "ئێمەیچ بەشداری ئا قسا بیمێ، ئیتر با وەڵکەوتەی تازە کاریگەری ڕەخسنۆنە. گلێرگەو تورکیاچ ئینا چێ چەمەڕاینە. شاندەکەیشما کاتو ویناو ئێژا ئۆجالانینە هەمان چێو و دواش کەردەن.

باقرخان دەربارەو گلێرۆبییەی چنی وەزارەتو دادو تورکیای  واتش: "داواکاری پێشکەش کریان. هەڵای کاتەکەش دیار نییا، بەڵام ڕەنگە چی چن ڕووەنە ئەنجام دریۆنە."

باقرخان پەیوەس بە پەرسەو چەکنییارەی ئینەش وات: "هیچ چا ڕوانگەیۆ مەزانمێنە، قەرارو ڕێکوزتەین. بەڵام چێوێ گرنگ بێ کە سەرۆک پەروین بوڵدانە واتەبێش، 'جە گرڏو جارەکا زیاتەر هیواڏاری و پاگیری ئێژا ئۆجەلانیم هەسیپت پنە کەرد پەیوەس بە پرۆسەکەی." ئینە چێوێ گرنگ و عالا. هیواڏارێنمی ئا مۆراڵ و هیواڏارییە کاریگەری سەرو سەرانسەرو تورکیای بنیۆرە."

باقرخان پەیوەس بە دۆخو تەندرووسی سری سورەیا ئۆندەری، ئەندامو شاند ئیمراڵیی واتش: " ئانەی گرنگا لاماوە ئانەن سەرۆک سری بە زووترین کات خاس بۆوە و بە شێوێ چالاکەنە بەشداری هەرمانرکاش بۆنە جە لوا ڕاوەو پرۆسەکەی."