مییانو ئەرەیاوناو قەسەدەی ئەرەیاونێوەش وەڵاکەردۆ و ماچۆنە: " جەنگاوەرێما بە نامێ شڤان (سامر عوگلە ئیبراهیم) دماو ساڵانێوە دووردرێژ جە مڏرامان و ئەوەکۆشای جە ڕیزو هێزەکامانە، سەرو ئەرکەکەیش جە قۆڵو تروازی، جە هرووژمێوە نامەردانە و ترسنۆکانەو فڕۆکێوە بێ فڕۆکەوانو دۆڵەتو ئەرەگیرو تورکینە گەشمەرڏەبی".
قەسەدە ئەرەیاوناش گەشمەرڏە شڤان جە بنەیانێوە وڵاتپارێزە جە ئەڏێابییەن، برێوەش جە مڏرامان و پارێزناو بەنداو تشرینینە گەشمەرڏە بییەن، وە هەمیشە بڕواش چانێنە بیێنە قوربانی دای و مڏرامان  سەرکۆتەی مارۆنە، با ئەزموونەی جە پەروەردۆ بەدەسش ئاردەن، بییەن جەنگاوەرێوە قارەمانو چەمنەتەرس. نموونەو جەنگاوەرێوە دیسپلینی بییەن کە هەمیشە پابەندو ڕێنماییەکا بییەن و بە پاو تاکتیکو جەنگو مۆدێرنیەتی جەنگش کەردەن.
قەسەدە سەرەوەشی وێش جە بنەیانەو گەشمەرڏە شڤانی و تەمامو گەشمەرڏا مکەرۆ، جەخت مکەرۆوە گەشمەرڏەبییەو حەر جەنگاوەرێوە پاگیریا سەرو مڏرامان  و ئەوەکۆشای شۆڕشگێڵی زیاتەری مکەرۆ.

شناسنامەو گەشمەرڏەی پی جۆرەنە:
ناسنام: شڤان
نامێ و دما نامێ: سامر ئیبراهیم
نامێ ئەڏێ: هودا
نامێ تاتەی: عوگلە
یاگێ جە ئەڏیابییەی: عەریشە
یاگێ و کاتو گەشمەرڏەبییەی: تروازیە، ١٩ و نیسانی ٢٠٢٥.