جە ئەرەمەزنارەو پەژاکی و کەنەکەی عەبدولرەحمان حاجی ئەحمەدی کە جە ١٨و ئازاری ٢٠٢٥نە ژیانئاوایش کەرد، شارو کۆلفتای سەر بە ئۆسلۆی پایتەختو نەرویجینە جە مەراسیمو چلێ ماتەمینییەکێشنە یاڏکریاوە.

حەر جە مەراسیمەکەنە یاڏو ئەندامو شاندو ئیمراڵیی دەم پارتی و یاگەگیرو سەرۆکو پەڕلەمانو تورکیای، سری سوورەیا ئۆندەری کریاوە، کە هیزی دماو ١٨ ڕوا جە خەسەخانەنە گیانش جە دەسدا.

مەراسیمەکەنە نوێنەرێ چن پارتێ سیاسیێ و هەرپاسە وڵاتپارێزێ بەشدارێ بێنێ. کە بە دەقێوە ڕێز ونە نییای دەسش پنەکەرد، دماتەر جە ڕاو دیمەنێوە تۆمارکریای، ئەمیر کەریمی هامسەرۆکو پەژاکی قسێش سەرو دەور و کاریگەری حاجی ئەحمەدی کەرد جە تاریخو بزاوتو ڕزگاری وازی کوردینە، دماتەر بە سینەڤیزیۆنێوە باس جە ژیواو حاجی ئەحمەدی کریا.

جە بەردەوامی مەراسیمەکەینە یاڏو ئەندامو شاندی ئیمراڵیی دەم پارتی و یاگەگیرو سەرۆکو پەڕلەمانو تورکیای، سری سوورەیا ئۆندەری کریاوە، کە هیزی دماو ١٨ ڕوا جە خەسەخانەنە گیانش جە دەسدا.

جە بەردەوامی مەراسیمەکەینە سەرو نامێ بنەیانەو حاجی ئەحمەدی، پەیامو بنەیانەی جە لایەن شۆڕش سۆفییۆ ونریاوە و هەرپاسە هەڤاڵێ حاجی ئەحمەدی سیاسەتەمەدار عەبدوڵا حیجابی و سیاسەتمەدار و نوویسەر جەلالەدین دەلباش قسێشا کەردێ. جە قسەکاشەنە حاجی ئەحمەدی و ئۆندەرش یاڏوستیمێ. دەلباش واتش، "هەمڕاو ڕابەر ئاپۆی بێنێ."

حەر جە مەراسیمەکەنە پەیامو کەنەکەی، پەیەدە، یەنەکە، یۆبییەو شۆڕشگێڵا و ڕێکوزیا و یارسانییەکا ونریاوە.

هەرپاسە پارتو دیموکراتو کوردەسانی-ئێران، پارتو ئازادی کوردەسانی، پارتو سەوزو کوردەسانی عێراق و جمیەرەو سەوزو ئەورووپای پەیامشا گیانا بێ.

مەراسیمەکە بە گۆرانییەکێ هونەرمەند وەڵات کۆبانێ دمایش ئاما.