ئەسەنگوڵە هاموتەواچەو کۊنگرەو دیموکراتیکی گەلان (هەدەکە)ی ۋاتش، نیمەو گلېرگەی نیشانەش دان، کە پەشتیوانی و لایەنگری جە فاڕیای مکەرا.

"ئەسەنگوڵ دەمیر"ە بە ئاژانسو هەواڵی فورات (ANF)یش ۋات، جە ھۊرچنیەکا ١٤ و ئایارینە جە پەیامو گەلی یاوېنێنە و ئا پەیامیچە جابەجۍ کەرا. ئەسەنگوڵە ئەرەیاۋناش، هەڵۋێسو نزیک بە نیمەو گلېرگەی پۍ فاڕیاین و ۋاتش، "سەرەڕاو چەواشەکاریەکا جە پرۊسەو ھۊرچنیەینە، گەلەکەما پۍ هیوا و ئاینڎەیش ویست و ۋېش پۍ سەردەمێوە تازەی نیشانەدا."

ئانۍ دەنگشا نەڎان، مشۊ ئیجارە دەنگ بڎا

دەمیرە ئاماژەش پانەی کەرڎ، بەشڎاریېوە بەقوەت جە ھۊرچنیەکا ۱٤و ئایارینە بۍ، بەڵام سەرەڕاو ئانەیچ زیاڎ جە ۸ ملۋېن دەنگدەرۍ دەنگشا نەڎان و ۋاتش، "گلېرگە جە ۱٤و ئایارینە لەمپەڕش وەران ۋەرو فاشیزمینە وەشکەرڎ. ئێمە چەمەڕاو ئانەی کەرمۍ، کە ۲۸و ئایارینە بە بەشڎاریېوە بەقوەتەر فاشیزمی بە تەمامی مرڎنمۍ. داواکاریی ئێمە ئانەن، کە ئا دەنگدەرۍ دەنگشا نەڎان، ئیجارە دەنگ بڎا، خۊتانکەرڎەی جە دەنگو ۋېشا کەرا و ئا قوەتەو ۋېشا پۍ وڕنای ڕژێمی تاکە کەسی نیشانە بڎا".

ھ . ش