دۆڵەتو تورکی ئەرەگیر بە فرۆکەی جەنگی و فڕۆکەی بێفرکەوان سەرو چۆڵاییەکا ڕوەیشدو پانیشتوو حەسەکەی، هرووژمی ئاسمانیش ئەنجام دا و جە ئەنجامەنە ١٢ مەدەنیێ گەشمەرڏێ بیێ.

ئیدارەو وێڕاوەبەرایەتی دیموکراتیکو هەرێمو سەرنیشتوو و وەرکەوتوو سووریای بە ئەرەیاونێوە ‌هرووژمە ئاسمانییەکێ دۆڵەتو تورکی ئەرەگیریش جە دژو هەرێمەکەی شەرمەزار کەرد و ئاماژەش پانەیەدا ئا هرووژمێ دەرفەت بە داعشی مڏانە پەی ئانەی جارێوەتەر سەرهورداوە.

ئیدارەو وێڕاوەبەرایەتی گلێرگەی مییاننەتەوەیی جە وەراوەرو ئی هرووژمانە وێش وەرپرسیار منیۆرە و داواش جە ڕێکوزیاکا یاسای و مرۆیی کەرد بە شێوێوە خێرا ئی هرووژما مڏرنۆنە.

ئیدارەو وێڕاوەبەری ئاماژەش بانەیە کەرد بەشێ جە هرووژمەکا هەدەفێنێ پەی تێکداو سەقامگیری هەرێمەکەی و سەرهوردایۆ چەتەکا داعشی.

ئەرەیاوناکەینە داواش جە گلێرگەو مییاننەتەوەیی کەرد بە شێوی خێرا دەسوەردای کەرۆ و هرووژمەکا مڏرنۆ و سەروەشی جە بنیەیانەو گەشمەردا کریا.