ئۆزگور ئۆزەل: مشۆم قەراروو نیایرەی قەیوەمەکان پووچەڵ بکریۆوە
ئۆزگور ئۆزەل سەرۆکی گردینوو جەهەپەی وەراوەروو نیایرەی قەیومینە پەی شارەوانیی جولەمێرگی ناڕەزایی وێش بەروست و داواش کەردە، قەراروو نیایرەی قەیومەکا مشۆم پووچەڵ بکریۆوە.
ئۆزگور ئۆزەل سەرۆکی گردینوو جەهەپەی سەبارەت بە نیایرەی قەیومی پەی شارەوانیی جولەمێرگی سەروو حیسابی شەخسیی وێش مێدیای دیجیتاڵیینە واتش: " ئادێ قەراروو نیایرەی قەیومی ڕەت مکەرانێوە."
درێژەو قسەکاشنە واتش: "جە بەیانیینە ئۆپەراسیۆنێوە دژوو شارەوانیی جولەمێرگی کریا سەرۆکو شارەوانیی شارەکەی بۆنەو دۆسیێوە، کە ١٠ ساڵێ چیوەڵتەر دەسش پەنە کەردەن و تا ئیسساتێچ بەردەواما گیریا، یاگێشنە نریانرە. ئێمە ئی قەرارەیە ڕەت مکەرمێوە. ئانە کە ڕووەش دا ڕوویدا بە ماناو پەشتگۆشوستەی ئیرادەو گەلوو جولەمێرگین، کە ٢ مانگێ چێوەڵتەر دیاری کریان. قەراروو نیایرەی قەیومی مشۆم وربشنیۆوە. ئێمە ئینایمێ چەنی دیموکراسی و ئیرادەو گەلی و دژوو چەمکوو پارتی دەسەڵاتدارینمێ."
