ژەنی نامەشا پەی ڕابەر ئاپۆی کیاست
ژەنی جە فرەو شارەکاوە بۆنەو ٨و ئاداریوە ڕۆو جەهانی ژەنا نامەشا پەی ڕابەر ئاپۆی و زینانیا ژەنا کیاست.
وەڵۍ ٨و ئادارینە ڕۆو جەهانی ژەنا، جە فرەو شارەکانە جە لایەنو ژەناوە چالاکی جۆراوجۆرۍ لوۍ ڕاوە.
وان: بە سەرمەشقایەتی پارتو تەژەئای، توهای دەر، دەبەپەی و دەم پارتی، کارتۍ پۆستاڵۍ و کتێبۍ پەی زینانیا ژەنا ڕەوانە کریۍ. ۋەردەمو بیناو PTT وانینە ئەرەیاۋنایۍ ۋنیاوە. هەرپاسە پلاتفۆرمو لقو وانو'کەسەکە'ی و پێکئامایەکا پلاتفۆرمو ژەنا وانی کارتو پۆستاڵۍ و نامەشا پەی زینانیا ژەنا کیاستۍ.
ئەستەنبوڵ: 'ما-توهایدەر' کارت پۆستاڵۍ و کتێبێش پەی زینانیا ژەنا کیاستۍ. هەرپاسە ژەنی ۋەردەمو PTTی ناوچەو ئاکساراینە کوۍ بیێوە و کتێبۍ و کارتۍ و پۆستاڵێشا پەی زینانیا ژەنا کیاستۍ.
ئەدەنە: تەژەئا و ئەنجومەنو ژەنا ئەدەنەو دەم پارتی ژەنی پەی ڕابەر ئاپۆی و ژەنا زینانی ژەنا بنیانی قەیسەری کتێبێشا کیاستۍ. ژەنی پی مەرامۆ ۋەردەمو لقو PTT کۆمارینە کۊبیەیۆیشا کەرڎ.
مێرسین: توای-دەری چوکورۆڤا و تەژەئا هەرپاسە کتێبێشا پەی ڕابەر ئاپۆی و زینانیا ژەنا کیاستۍ. ژەنی ۋەردەمو زینانو کەمپوسی تارسوسینە کونگرێوە ڕۆنامەوانیشا بینا.
ئەنقەرە: هەرپاسە جەمەو یاساشناسا هامچەرخی (چەهەدە) و کۆمیسیۆنو ئەوەکۊڵیای ژەنا و جێندەری کۆمەڵایەتی کونگرێوە ڕۆنامەوانیشا بینا. جە کۊنگرەکەنە پارێزنەرە نێرگس گۆرنازە ئەندامەو چەهەدەی ئەرەیاۋناش، دەسکۊتەکۍ ژەنا کە بە کۊششێوە دوور و درێژ بەدەس ئامان ڕووبەڕوو هرووژمێوە سیستماتیکی باوە.
