ئاڵدار خەلیل: پەشتی بەکەسی مەبەسمێ بە گەلی نەبۆ
ئاڵدار خەلیل، هامسەرۆکو دەستەو ڕاوەبەری تەڤگەری کۆمەڵگەی دیموکرات- تەڤدەم، ئاشکراش کەرد، هەرگیز پەشتیمان بە ئامریکا، ڕووسیا وهیچ هێزێ تەری نەبەستێنە.
نو کرایاوە
ئاڵدار خەلیل، هامسەرۆکوو دەستەڕاوەبەری تەڤگەری کۆمەڵگای دێمۆکرات_تەڤدەمی، سەبارەت بە هێرش و داگیرکاری ڕژێمو تورکی پەی سەرو عەفرینی و مردرامانی 10 شەو و ڕوانە وەراوەرشەنە، هەرپاسە بێهەڵویست و نزیکایەتی ئەمەریکا، روسیا و فەرەنسا و زلهێزەکێ تەری و گلێرەوبەی سوچی، قسێش کەردێنی و واتەنش:
«ئێمە هەر جە سەرەتاوە پەشتیما بەهیج کەس و لایێ نەبەسێنە، جە یەکەمین ڕۆوە تەنیا هێز و پەشتیوانی گەلیما بە بنەماگیرتێنە. ئیسەێچ هەر بە ئا هێزەیە مدرامان کەرمێ هەر بەهێز و ئێرادە و وێما سەرگنمێ.»
دەربارەو مدرامانی گەورەو سەردەمی جە عەفرین وهێرشەکاو تورکیای دەستنیشانش کەردەن: دووهەمین هێزو ناتۆی بەگردو تەکنەلۆژیا وێشەوە ماوۆ ١٠رۆوان هێرشکەرو سەرو عەفرینی، ئینە نیشاندەرو ئانەیەنە جەعەفرین مدرامانێوی میژوویی هەن، کە هیچ چانسێوەش پەی سەرکۆتەو دەوڵەتو تورکیای نە ئاستەنەوە.
ئاڵدار خەلیل، ئاشکراش کەردەن: جەی ڕوانە چەنی فرە لایانە نێودەوڵەتیا و وڵاتا ئەرەنیشتە و گفروگۆشما بیەن و چەندین نامێشا پەی چن لایەنێوی کیاستێنێ. بەڵام ئالایەن و دەوڵەطی، گەرەکشان نییەن وێشان بکەران بە دوژمن و تورکیای، چونکە تورکیا چەندین کارتێش دەسەنە هەنێ دژشا بەکارشا بارۆنە. بەڵام ئادێ ئا هەرمانو ئەردۆغانیە پێسەو کارێوی دژە مرۆیی وێناش و ماچا، ئانە کە ئەردۆغان کەرۆش زیانی فرە مدۆ جە پلان و پرۆژەکاشا پەی چارەسەرکەردەی قەیرانەکا سووریای و ڕاوەشکەریچەن پەی زیندە بیەی داعشی.
نامبریا ئاماژەش بە ئانەیەدا، کە سپا تورکی بە فڕۆکێ جەنگیێ و چەکێ قورسێ هەرێمە سڤیلەکا بۆردومان مەکەرۆ، پەی جۆرە گەرەکشەن گەلەکەیما جە یانە و خاک و وێش ئاوارە و کۆچبەر بکەرۆنە، دەرنجام چەتەکێ وێش جە یاگێشانە یاگەگیر بکەرۆن. ئامانج جە ئانێچە هەوڵ دایەن پەی فارای دیمۆگرافیاو هەرێمەکەی. پاسە مزانا پەی جۆرە متاوانە بە ئامانج و ئاکام میاوا. یاساکێ جەنگی منیا چێرۆ پەیا و تاوانێ جەنگی ئەنجام مدا. بۆمبواران و دێهات، شار، نەوەشخانە، وانەگەی مەکەران و دەسپارێزی جە هیچی نمەکەران، تەنانەت جە ژەن و زارۆڵاچ.
جە دمایی قسەکاشەنە، ئاڵدار خەلیل ماچۆ: گردو ئا چەتا، کە ئەردۆغان گلێرێش کەردێنێوە هەر داعشێنێ، تەنیا بەرگ و ڕەنگشان فاڕان، هەمان چەتە نابوودبیەکێ ڕەقای،دێرەزووری و هەرێمەکا تەریەنە، کە ئاد گەرەکشا جە عەفرین زیندێشا بکەرۆوە.
