میانگەو چاپەمەنی و یاۋنەری هێزەکێ پارێزنای گەلی-هەپەگە، سەبارەت بە چالاکیێ گەریلاکانشان کە جە سیدەکان و چەلێ ئەنجامێشاندێنێ ۋەڵاۋکریای لەشکریش دان و ئی زانیاریێشە دێنێ:

"١١و شوباتی سەعات ٧:٢٠ دەیەقێ سەرسەبای، جە بەرزایی  لێلیكانی، کە سەر بە ناوچه‌و سیده‌كان-و پانیشتو کوردستان-یەن، گەریلا دژ بە سەربازە داگیرکەرەکێ تورکیای چالاکیش ئەنجام دان و گورزی قورس جە دوژمنی دان. جە چالاکییەکەنە لانی کەم ۳ سەربازێ کوشیێنێ و چندینی تەرێ بریندارێ بیێنێ و زیانی فرەی ماددی جە دوژمنی دریان. دمابەدمای چالاکییەکەی دوژمن کوشتێ و بریندارەکێش بە هەلیکۆپتەری سکۆرسکی فاڕێنێۋە و بێسەروبەر ناوچەکەش تۆپۋاران کەردەن. جە وەڵێ و جە دمای ئەنجامدای چالاکییەکەی گەریلا سڵامەتێ و بێزیانێ بیێنێ".

ئارۆچ گەریلا تیڤی دیمەنو چالاکییەکەیش ۋەڵاکەردەنەۋە:
 http://gerilatv.com//mbl/watch.php?vid=cfde12769

"هەر جە ۱۱و شوباتی، بەڵام سەعات ۲۰:٥۰ دەیەقێ شەۋێ جە بەرزایی خەرەگۆلی سەر بە ناوچەو چەلێ-و جۆلەمێرگی، سپا داگیرکەرەکەو تورکیای بە هەلیکۆپتەرێ سەربازیێ جموجوڵی چڕی لەشکریش بییەن، جەی وەختەنە گەریلا دژ بە هەلیکۆپتەرەکێ دوژمنی چالاکیش ئەنجام دان و گورزی قورسش ۋنە دێنێ و ژمارێۋ سەربازێ کوشیێنێ و بریندارێ بیێنێ، بەڵام جەی بارەۋە ئاماری تەمام بەدەست نەۋزیان. دمای چالاکییەکەی دوژمن بە چەک قورس هەڕەمەکیانە ناوچە بۆمبۋاران کەردەن، بەڵام گەریلا بێزیانێ و سڵامەتێ بیینێ".