جە عەفرینی ئەرەگیریا مدرامان دژ بە سپا ئەرەگێرەکەو تورکیای و تاقمە چەتە بەکرێگیریانش بەردەۋامەن و جەی چۋارچێۋەنە هێزەکێ ڕزگاری عەفرینی (HRE) جە ئەرەیاۋنایێۋەنە ئاشکراش کەردەن: "جە ناوچەو شێراۋا-ی سەر بە عەفرین-ی، جە ڕێککەوتو ۷و دیسەمبەری جە دەگاو کەفەر نەبۆ-ی هێزەکێمان دژ بە سەنگەرێ و بنکەکێ تاقمە چەتەکانو 'فرقەت ئەلحمزە'ی چالاکیشان ئەنجام دان. جە چالاکییەکەنە زیان قورسی گیانی و ماددی جە دوژمنی دریان و ئانڎە کە ڕۆشن بییەنەۋە ۷ چەتێ کوشیێنێ و ٤ چەتێ تەرێ بریندارێ بیێنێ و ۲ بنکێ سەربازیێ بەتەمامی دلێنەبریێنێ".

هێزەکێ ڕزگاری عەفرینی (HRE) ئەرەیاۋنانیچش: "دمای چالاکییەکەی هێزەکێ دوژمنی دەگایەکێ، مایاس و زرنەعیت و گردی زرنەعیت-ی سەر بە ناوچەو شێراۋا-یشان هەڕەمکیانە و بە  قورسی تۆپۋارانێ کەردێنێ، بەڵام زیانەکێ تۆپۋارانەکەی نەزانیێنێ".