ناوەندو ئەرەیاونای و چاپەمەنیی هەپەگەی ئەرەیاونا نویسیاکەیشانە ئی زانیاریێشا سەرو چالاکییەکاو گەریلای و هجوومە ئەرەگیرکارییەکا وەڵا کەردەنۆ:  

"لە هەرێمو گەشمەردە دەلیلو وەرنیشتوو زاپی

٢٤و نیسانی سەعات١٥:٣٠ بە چەکی نیو ئۆتۆماتیکی مەیدانو مدرامانو کەشو جودیینە گورز وەنەو ئەرەگیرا دریا.

٢٥و نیسانی سەعات٠٩:٤٠ بە تاکتیکو نیشانەماڕێ شكێنی لە هەرێمو مدرامانو کەشوئامێدیینە گورز وەنەو ئەرەگیرا دریا و ئەرەگیرێو سزا دریا. ئی چالاکییە هێزەکاو یەژا ستاریما کەرد.

هەرێمو مەتیناینە؛

وەڵتەر سەرو هجوومەکاو سوپای ئەرەگیرەو تورکی مەتینانە زانیاریما وەڵا کەردەبێوە، ئیساتێنە سوپای ئەرەگیرەو تورکی بڕێو جە یاگەکاو مەیدانەکاو شێلازێ، کانی ڕەش و یەکمالێی هەرێمو مەتیناینە بنێشا وستێنە. بە تەکنیکو جەنگی بۆردومانو مەیدانەکا مکەرا. هێزەکاو پەدەکەیچ بە ئامانجو ڕەخسنای ئاسایشو ڕاو بەینو یەکماڵی و کەشو ئامێدی یەرێ ٣ خاڵانە هەنێ. هێزەکاو دەوڵەتی ئەرەگیرو تورکیچ بە حەر یەرە یاگەکارە مویەرانێ.

هجوومەکاو سوپای ئەرەگیرەو تورکی کە کەردێنێش؛

٢٤ و ٢٥و نیسانینە مەیدانو دەرگەل، شێلازێ، سەری مەتینا، بێشیلی و گۆلکایی هەرێمو مەتیناینە ٢٥ جارێ، مەیدانو مدرامانو کەشو وەهارو هەرێمو گەشمەردە دەلیلو وەرنیشتو زاپی ٣ جارێ، مەیدانو بێپالانو هەرێمو قەندیلی ٢ جارێ، مەیدانو لۆلانو هەرێمو خواکوڕکی ٢ جارێ، بە گردیوە ٣٢ جارێ فڕۆکەی بێفڕۆکەوان ئا هەرێمێشە بۆردومانێ کەردێنێ.

٢٥و نیسانی مەیدانو لۆلانو هەرێمو خواکوڕکینە ڕاو هەلیکۆپتەرێوی جەنگییوە بۆردومان کریان.

‌‌کاروانێوی سەروازیی ٦٠ سەیارێ سەروازیێ سەر بە پەدەکەی، گەرەکشابێ پڕاوە پەی یاگەکاو گەریلای

ڕۆو ٢٣ێ نیسانی کاروانێوی سەروازی ٦٠ سەیاراو سەر بە پەدەکەی مەیدانو  بەردەسپیی خواکوڕکینە، دماو نیمەڕۆی پەی ٢ جارا گەرەکشابێ پڕاوە پەی یاگێ هێزەکاما. پێسەو هاگادارکەردەیۆشا بە گوللێ ئاویرەینێ هاگادارێ کریێوە و دماو ڕووەدای دووێ جارا جەنگی کوڵی ناچار کێشیێوە.

هەر هەمان ڕۆنە مەیدانو گۆشینینە هێزێوی سەروازی بە ٦ سەیارێوە بە بێ هیچ هاگاداریێوە لوێنێ مەیدانەکە. هێزەکێما بە فیشەکی ئاویرەینێ هاگادارێشا مکەراوە و گێڵناشاوە.  

وەختو ڕووەدای هەردووە ڕووەدایەکەینە عاسمانو ئا مەیدانانە جووڵەکانی فرۆکەو وشکنای سیخوڕیی تورکی زیاد مکەرۆ. دماو ئانەیە هێزەکاو پەدەکەی کێشیاوە، فڕۆکەی جەنگی مەیدانەکەی بۆردومان مکەرۆ، بەڵام هیچ زەرەرێوما وەرنەکەوت."