پەراوەرێ جارێوتەر دارستانەکێ مەڕەخێڵێی نزیک دەگاو دەوانی سەر بە شارو پاوە-و هەرێمو هەورامانی ئێرشان گێرتەبێوە. هەر چەنی ئێرکەوتەکەی، ئەندامێ و ژیوگەپارێزێ ڕێکوزیاو "ژیوای"و ئەکیپو سەرچەمە سروشتییەکانو پاوە شاری، شیێ بێنێ ناوچەکە و جە دمای ٧٢ سەعاتان کار و کوشای قورس و سەختی، دەرنجام هێزی شەوێ تاواشان ئێرکەی کوشناوە و کۆنتڕۆڵش بکەرانێ.
 بەڵام بەهۆکارو ئێرگێرتەکەی سەدان هکتارێ جە دارستان و لەوڕگەکان و پووش و پەڵاش جە ناوچەکەنە زیانی فرەش پنە یاوان.

دوێ مانگێ چێوەڵتەر دارستانەکێ مەرەخێڵێی و بوزینی کە ناوچێ پارێزیێنێ ئێرشان گێرتەبێ و جە ئاکامشانە جیا جە سۆتەی سەدان هکتارێ جە دارستانەکان، ٣ ژیوگەپارێزێ کە ئەندامێ ڕێکوزیا ژیوگەپارێزی "ژیوا"ی بێنێ گیانشان بەختکەردەبێ.