مدرامان و چالاکی مانگێرتەی جە واردەی دژ بە گۆشەگیرکەردەی ڕێبەر عەبدوڵا ئۆجالانی جە بەر و دلێ کوردستانی بە پێشەنگێ لەیلا گۋڤەن هامسەرۆکەو کەجەدەی و پارلەلەماتارە هەدەپەی دێژەش هەن. 
سەرەڕاو تێشکییەی تەندروستی چنڎین جە مانگێرەکان، بەڵام دیسان سورێنێ جە بەردەۋامیدای بە چالاکییەکەی.چالاکی مانگێرتەکەی تا ئارۆ پێ شێۋەنە:

لەیلا گۋڤەن/ئامەد-۸۹ ڕۋێ
ناسر یاگر/هەولێر-۷٦ ڕۋێ
۱٤ چالاکوان/ ستراسبۆرگ-٥۰ ڕۋێ
ئیمام شیش/بەریتانیا-٥۰ ڕۋێ
۳۰۰ بەندکراوی پەکەکە و پاژک/باکوری کوردستان و تورکیا-٥۱ ڕۋێ
یوسف ئیبا/کەنەدا-۲۳ ڕۋێ
مەلا موستەفا توزاک/ئەڵمانیا-۲۳ ڕۋێ
حوسێن یلدز و حەسیب چیچەک/هۆڵەندا-۱۷ ڕۋێ
فادیلە تۆک/وارگەی مەخمور-۱٦ ڕۋێ
شیار خەلیل/ئەڵمانیا-۱۰ ڕۋێ
شڤان ئاغائۆغلو و سوڵتان یخیت/نەمسا-۳ ڕۋێ

جە لایێ تەرەۋە بە نزیکبییەی جە ۱٥و شوباتی و ۲۰مین ساڵیادو گەلەکۆمە و پیلانگێڵی میاندەوڵەتی کە دژ بە ڕێبەر ئۆجالانی ئەنجام دریا، جە شارو باسل-و سویسرای تا شارو ستراسبۆرگ-و فەڕەنسای ڕایمای درێژ مەودا ئەنجام مڎریۆنە. جە ڕاپیماکەیەنە، نمایندێ دام و دەستگە سیاسیێ و مەندەنیێ، هونەرمەندێ و ۱٥۰ کەسایەتیی و چالاکۋانێ بەشدارێش ببانە.
ڕاپیماکە کە کۆنگرەو گلێرگەی دیموکراتی کوردستانی جە ئەوروپا (کەجەدەکە ئەوروپا - KCDK-E)ی سەرپەرشتیش مەکەرۆنە، ۹و شوباتی سەعات ۱۱:۰۰و ۋەڵێ نیمەڕۆی جە باسل بە کۆبییەی دەستش پنە مەکریۆنە و جە ۱٥و شوباتی بە کۆبییەی جەماوەری هەزاران کەسی دماییش مەیۆنە.
 
جەی بارەۋە نەورزۆ سەرحەد ئەندامە جە کۆمیتەو ئامادەکارو ڕاپیماکەی و ئەندامە جە جمیەرو ژەنێ کوردی بە ئاژانسەکەیمان فورات نیوز (ANF)یش ۋات: "ئامادەکایی تەکنیکی ڕاپیمایەکەی کۆتاییش ئومان و جە کات و ساتو وێشەنە ئەنجام مدریۆنە. گرنگی ڕاپیمای ئیساڵی هاموەخت بییەیشەن چنی مدرامان و چالاکیێ مانگێرتەی جە واردەی دژ بە گۆشەگیرکەردەی ڕێبەر ئاپۆی و پی جورە چالاکییەکێ دژ بە گۆشەگیریەکەی فراوانتەرێ مەکریانە".

نەورۆز سەرحەد زانیاری زیاەرش دان و ئاشکراش کەرد: "چەندین کەسایەتیێ دیارێ کۆمەڵگەی پێشەنگی ڕاپیمایەکەی مەکەرانە. بە درێژایی ۷ شەۋانە ڕۋێ ڕاپیمایەکەی، سەبارەت بە گۆشەگیری ئیمرالی و ستەم و زۆرداری ئەردۆغانی و ڕژێمەکەیش زانیاریێ مڎریۆنە و جە شەۋەکانە پانێل و کۆبوونەوێ جەماۋەریێ ئەنجامێ مدریانە".

نەورزۆ سەرحەد ئەندامە جە کۆمیتەو ئامادەکارو ڕاپیمای درێژ مەوداکەو باسل-ستراسبۆگی ۋاتیچش:"مانگێرتەی دژ بە گۆشەگیری ئیمرالی بە پێشەنگی لەیلا گۋڤەنێ بە میاننەتەوەیی کریان و جارێتەر جە کەسایەتی ژەنی کوردیەنە شایەتی پەی مدرامانی ئازادی گوردی دریاۋە و سایاسەتو باڵادەستە دەسەڵەتدارەکانش شۆکناۋە. ئێمەیچ بە ڕاپیمایەکەی ئانڎەی تەر شکۆنمێشانەۋە و مدرامان دژو گۆشەگیری و ستەمی فراوانەر مەکەرمێۋە و ڕێبەر و گەلەکەیمان ئازادێ مەکەرمێنە".