سەبور ڕۆستەمۍتەبار جە بیرکاریەنە یەکەمی ئێرانیش بەدەستوست

سەبور ڕۆستەمۍتەبار مامۆستای هەورامانی جە بیرکاری و ماتماتیکەنە یەکەمی ئێرانیش بەدەست ئاورد و نامبریا وەڵتەریچ یەکەمی کرماشانیش بەدەست وستەبێ.

سەبور ڕۆستەمۍتەبار ئەرەنیشتەو شارو پاوە-ی سەر بە هەرێمو هەورامانی کە مامۆستان جە ڕشتەو ماتماتیکی و بیرکاریەنە، جە دمای ئانەیە جە بوارو زانستو ماتماتیکی و بیرکاریەنە یەکەمی ئوستانو کرماشانیش بەدەست ئاوردەبێ، جە هەمان بوارەنە بەشداریش جە موسابەقاتو سەرتاسەری ئێرانیەنە کەرد، کە بە شێوازی ئۆنلاین پەی  سەرجەم ئوستانەکانو وڵاتی ڕێکوزیابێ. سەبورۍتەبار ئیجارە جە ئاستو ئێرانیەنە یەکەمی بەدەست وست و خەڵاتێوی گرانبەهای زانستیش پەی پاوە-ی و هەورامانی ئاوردەوە.

مامۆستا سەبور ڕۆستەمۍتەبار، سەرەڕاو یەکەمی ئوستانو کرماشانی و ئێرانی، تا ئیسە چەنڎین خەڵاتێ تەرێ زانستیێش بەردێنێوە و چەنڎین جارێ خەڵات و قەدردانی کریان.