قەپې ترکیەی و بێدەنگی دنیای
هجوم پەی سەرو عەفرینی مەحکوما، حاکمیەتو تورکیەی ڕېخېش هەڕەو شوۉؤنیزمەنە با و بەئاۉەو دیانەتیچ ئاۉداری کریؤ.
نویستەی: سیامەند هۆرامی
سیاسەتمەدار و نویسەری دیار "سیامەند هۆرامی"، جە پەلیانەو وێش جە فەیسبوک، باس جە شوۉؤنیزم و هێرشو تورکیای دژ بە عەفرینی مەکەرۆنە و نۋیستەنش:
چېشتەر کریؤ چەمەڕا کەری جە حاکمیەتېۉی کە ڕېخېش هەڕەو شوۉؤنیزمەنە با و بەئاۉەو دیانەتیچ ئاۉداری کریؤ.
دما هەرەس ئاردەی دەسەڵاتو ششسەد ساڵەو عوسمانی جە جەنگی یەکەمی جەهانیەنە، بەشېۉ چا دەسەڵاتیە بە گەڕې و بە پیلانې دنیایې جە ١٩٢٣ېنە پېسە جمهوری ترکیەی، بە ڕابەری ئاتاترکی، ڕاس کریاۉە مەرزیارە. ئی دەسەڵاتە پېسە دیۉارېۉو ئێربڕی ۉەراۉەر بە گڕەو شؤرشو ئوکتؤبری وەی کریا و دریاش دەمۆ و ڕا دریا تا هەرچی ڕەفتې نا ئینسانیېنې دەرهەق بە مەردمو مەنتەقەی و بە تایبەت کوردی، بەرە کەرؤۉە.
زەمانېۉ کە باۉ باۉو شوۉؤنیزم و نەتەۉەگەرایی بې سەرو ئا ڕیێۉە ئانە کە داخە بې بە مەردمو کوردیش متە. بە ئاشکرا و بە ڕؤی ڕؤشن و دیارو چەما دنیایۆ حاشاش جە بیەی نەتەۉېۉی چندین ملیؤنی کەرد. جە وەختېۉۆ کە زەلانو مەزەبی هؤرش کەردەنۆ، ئانارە بە هەڕەو شوۉؤنیزمی و سمەری دیانەتی خەریکا درېژەو نائینسانیەکاش مدؤ. ساڵیانېۉا بە وەی کەردەی داعش و داعشیا بیەن بە کوتەکو دلې زەلکاۉەو سوریەی. ئیسەیچ شؤنەو داعشیەرە و و جە تؤڵەو فۆتیای ئا دڕندەیەنە خەریکا قەپېش دڕیېنېرە ئۆ عەفرینی و ئۆ ئانەیچە مشؤ دنیا ئیجاریچ سیاسەتو وې کەڕ کەردەیش هؤرچنیە بؤ.
چېشتەر کریؤ ۉاچی جیا شەرم پەی دنیاو سەرمایەداری و مەرگ پەی شؤۉؤنیزمی بە دین ڕەنگ کریاو ترکیەی.
مەرگ پەی شؤۉؤنیزمی
ژیان پەی ئازادی
سەرکۆتە بؤ مەردمو قارەمانو ئەفڕینی.
