سەرسەبای ئارۆی بەنام دادگاو تورکیای سەبارەت بە لەیلا گۋڤەن هامسەرۆکەو کۆنگرەو کۆمەڵگەی دیموکراتی (کەجەده) و پارلەمانتارەو هەدەپەی بڕیارش دا. جە بڕیارەکەنە لەیلا جە سەرجەم تۆمەتەکان کە ڕووبەڕووش کریێ-بێنێۋە بێبەرییە کریا و بێتاۋانیش سەلەمیا و فەرمان بە ئازاد کەردەیش دریا.

سەرەڕاو ئازادکەردەیش، لەیلا گۋڤەنە ئاشکراش کەردەن: " تاوەکو بەدی ئامای ئامانجی کە کۆتایی ئاۋردەی بە گۆشەگیری ئیمرالین، چالاکی مانگێرتەکەیم درێژەش هەن".

لەیلا گۋڤەن، جە ۲۰۱۸/۰۱/۲۲ی دەستبەرە کریێبێ و جە ۲۰۱۸/۳۱/۰۱ دژ بە گۆشەگیرکەردەی و چارەنۋیس-نادیاری ڕێبەر ئۆجالانی جە زیندان-و ئامەد-یەنە بەشێۋازی بێۋادە مانش جە واردەی گێرتەبێ و مانگێرتەکەش ئارۆ ۷۹ ڕووێن بەردەۋامەن.
 دمابەدمای ئانەیە، جە زیندانەکێ تورکیایەنە و جە کوردستان و هەندەران پەی پەشتیۋانی جە لەیلا گۋڤەنێ و داۋاکاریەکەیش کە کۆتایی ئاۋردەیەن بە گۆشەگیری ئیمرالی سەدان کەسێ بەشێۋازی بێۋادە و نۆبەتی مانشان جە وادەی گێرت و مانگێرتەکەی تا بە ئارۆ درێژەش هەن. هاموەخت جە ئەوروپا و جیهانەنە هەزاران هاموڵاتیێ، سیاسەتمەدارێ، ئەکادیمسیەنێ، کەسایەتێی جیێ جیێ و خاوەن خەڵاتێ نۆبلی پەشتیوانیشان جە لەیلا گۋڤەنێ کەرد و داۋاشان کەرد؛ هەرچی زووەن دمایی بە گۆشەگیری ئیمرالی باۋریۆنە و  ڕێبەر ئۆجالان ئازاد بکریۆنە.