هێزەکێ ڕزگاری عەفرینێ: ٧٢ سەربازێ و چەتێ کوشیێنۍ

هێزەکێ ڕزگاری عەفرینێ ئاشکراش کەرد: "جە ١٠ ڕووێنە ۱۰ سەربازێ و ٦۲ چەتێ ڕژێمە ئەرەگێرەکەو تورکیای کوشیێنۍ و ۱۹ی تەرێ بریندارێ بینۍ و بڕێ چەکێ و تفاقی سەربازی کەفتەن دەستو شەڕڤانان.

هێزەکێ ڕزگاری عەفرینێ سەبارەت بە چالاکیێ و هێرشێ شەڕفانەکانشان و هێرشێ دوژمنی ئەرەگێری جە عەفرین و دەوروبەریش  و جەنگ چەنی سپا و چەتە ئەرەگێرەکێ تورکیای جە ماوەو ۱۰ڕووانە ۋەڵاکریای لەشکریش دان و ئەی زانیاریێ و ئامارێشە پەی ڕاو گردیی ئاشکراێ کەردێنۍ:

"ئەرەگێرەکێ گرد جۆرە هێرشێ و کەردێ پەی دلێنەبەردەی گەلی و فاڕای دیموگرافیای ئەنجام مەڎانە"

شەڕڤانەکێمان بە چالاکیێ و مدرامانی قارەمانانە ڕووبەڕوو دوژمنی ئەرەگێری مەببانێۋە کە جە عەفرین و دەوروبەرشەنە گرد جۆرە هێرشێ و کەردێ چەپڵێ پەی دلێنەبەردەی گەلی و فاڕای دیموگرافیای ئەنجامێ مەڎانە و جەی چوارچێۋەنە گورزێ فرە قورسێ گیانیێ و ماددیێشان ۋنە مەڎانێ. جە عەفرین چەتەکێ بێسەروبەرانە و هەر کەسە و تاقمێۋە پەی وێش ژڵێۋیۆۋە و بە ئەنقەست خەڵکی مەدەنی مەکوشانێ، مەڕفانانێ و سامانشان بەتاڵان مەبەرانێ. بەی تەورە سەرجەم یاسێ و مافێ ئانزانی و میاندەوڵەتیێ چێرپا مەۋزانێ.

"جەنگ و مدرامان دژ بە ئەرەگێرتەیی فراۋانتەر مەکەرمێۋە"

جەی قۆناغەنە بە یوگێرتەیی و پەیوەست بییەی گەنجەکانمان بە مدرامانی و ڕووبەڕووبییەی دوژمنی، ئیتر جەنگ و مدرامان دژ بە ئەرەگێرتەیی فراۋانتەر بییەنەۋە و چالاکیێ و هێرشێ کاریگەرتەرێ جە جارانی ئەنجامێ مەڎریانێ و شەۋانە ڕۆچ گورزێ گیانیێ و مادیێ فرە قورستەرێ جە دوژمنی مڎریانێۋە. جەی چوارچێۋەنە تەنها جە ماۋەو ۱۰ ڕووانە دەیان سەربازێ و چەتێ کوشیێنۍ و دەیانی تەریچ بریندارێ بینۍ.

"جە ١٠ ڕووێنە ٧٢ سەربازێ و چەتێ کوشیێنۍ"

بە گردیی جە ماۋوە ۱۰ ڕووانە ئەی هێرشێ و چالاکیێ و جەنگێئ ەنجامێ دریێنۍ و قۆمیێنۍ و زیانەکێ دوژمنی بەی تەورە بیێنۍ:

چالاکیێ و جەنگێ: ٧ جەنگێ دەستەویەخێ و ١٤ چالاکیێ قۆمیێنێ و ئەنجامێ دریێنۍ

هێرشێ زەمینیێ دوژمنی: ۱ هێرش، کە شەڕڤانەکانمان شکست دان 

هێرشێ بە چەکێ قورسێ: ٩ هێرشێ

هێرش بە باڵەپڕی بێپیلۆت: ١ هێرش

جموجۆڵێ ئاسمانیۍ: ٤ جارێ بە باڵەپڕێ بێپیلۆتێ و ۱ جار بە هەلیکۆپتەری جەنگی

زیانێ گیانیێ دوژمنی: ١٠ سەربازێ و ٦٢ چەتێ کوشیێنێ و بەگردی ٧٢ چەکدارێ ئەرەگێرێ کوشیێنۍ.

بریندارێ دوژمنی: ١٠ سەربازێ و ١١ چەتێ و بە گردی ١٩ چەکدارێ ئەرەگێرێ

زیاێ ماددیێ دوژمنی: ١ تانک، ٢ چەکێ قورسێ، ٥ ئۆتۆمبێلێ، ٢ ماتۆڕێ دلێنەبریێنۍ

چەکێ و تفاقێ سەربازیێ کە دەسشان سەرەرە گیریان:

٩ چەکێ ئەی کەی - ٤٧ (AK-47)

٢ چەکێ (PKM)

١ چەکی (B-7)

١ چەکی قەناس

١ دووربین

١ دووربینی لەیزەری

٢٠ مەخزەنێ چەکو (AK-47)

٦ ڕەختێ

ژمارەێۋی فرێ گولـلێ (PKM)

٢ تەلەفۆنێ

٤ مووشەکێ (B-7)ی

۱ کۆڵە پشتی (B-7)ی

٢ جانتێ سەربازیێ
 
ژمارێۋی فرێ بەڵگۍ و شناسنامێ

هاموەخت، ۱ شەڕڤان شەهید بییەن

بە تۆپۋاران جە دەگاو سۆخانەکێی سەر بە شێراۋای ٥ کەسێ مەدەنیێ کە ئەندامێ یەک خانەۋادەیەنە بریندارێ بیێنۍ