فیدراسیۆنی جڤاکی ئازادی میزۆپۆتامیا (فەد-مەد) لەبەردەم بینای پارتی سەوز لە شاری دوسڵدۆرف کۆنگرەیەکی ڕۆژنامەوانی بەست.

لە ڕاگەیاندراوەکەدا سزای دیسپلین و قەدەغەی دیدار و گۆشەگیری سەر ڕێبەری گەلی کورد عەبدوڵا ئۆجالان شەرمەزارکرا و ناڕەزایەتی بەرامبەر بێدەنگی پارتی سەوز نیشان درا کە هاوبەشی حکومەتی ئەڵمانە.

کوردستانیان دۆستەکانیان پانکارتی "مافی مرۆڤانەی ئۆجالان جێگەی سەودا و مامەڵە نییە"یان بەرزکردەوە و بێدەنگیان بەرامبەر هێرشەکانی دەوڵەتی تورک بۆ سەر گەلی کورد شەرمەزار کرد.

لە چالاکییەکەدا بەرپرسی  پارتی سەوزی ویلایەتی وێڵزی باشووری نوێی هاتە بەردەم بیناکە و لەگەڵ بەرپرسانی فەد-مەد کۆبووەوە. بەرپرسانی فەد-مەد داوایان لە حکومەتی ئەڵمان و پارتی سەوز کرد، دژی گۆشەگیری هەڵوێست بنوێنن.