چالاکی بۆ ئازادی عەبدوڵلا ئۆجالان لە ستۆکهۆڵم لە رۆژی دووەمدایە
کوردان لە ستۆکهۆڵمی پایتەختی سوید، بۆ ئازادی عەبدوڵلا ئۆجالان ڕێبەری گەلی کورد چالاکیان دەستپێکردبوو و چالاکیەکە لە رۆژی دووەمدا بەردەوامە.
بۆ ئازادی عەبدوڵلا ئۆجالان ڕێبەری گەلی کورد دوێنێ کاتژمێر ١٤:٠٠، دەست بە چالاکی هەڵدانەوەی چادر کرا.
کوردستانیان لە گۆڕەپانی ماینتۆرگیت لەبەردەم پەرلەمان کۆبونەوە و چالاکیان ئەنجامدا.
گەلی کورد لە چوارچێوەی چالاکیەکەدا، لەبارەی هێرشەکانی دەوڵەتی تورک لەدژی عەبدوڵلا ئۆجالان ڕێبەری گەلی کورد و گەلی کورد، زانیاریان پێشکەش بە هاوڵاتیان کرد.
ناوەندی کۆمەڵگای کوردی دیموکراتی سوید، راگەیەنراوێکی تایبەتی بڵاوکردەوە و رایگەیاند، عەبدوڵلا ئۆجالان لە سالی ١٩٩٩ەوە لەژێر گۆشەگیریەکی قوڕسدایە و ئاماژەی بەوەدا کە پێویستە ڕێبەری گەلی کورد و هەموو زیندانیانی سیاسی ئازاد بکرێن.
ف.ق
