"کتێبەخانەی رێبەرایەتی" لە بەردەوامیی گەشتەکانیدا بە شارەکانی ئەوروپا لە شارەکانی ساربروکن و تریرەوە گەیشتە شاری مانهایمی ئەڵمانیا.

کاتێک "کتێبخانەى رێبەرایەتی" گەیشتە مانهایم مەراسیمێکیان رێکخست. مەراسیمەکە بە خولەکێک ریزگرتن لە گیانی شەهیدانی بەرخودانی گارە و هەموو شەهیدانی تێکۆشانی ئازادیی کوردستان دەستیپێکرد.

حیزبە ئەڵمانییەکان  دۆستانی گەلی کورد و کوردستانیان بەشداری مەراسیمەکە بوون و لە مەراسیمەکەدا کتێب و برۆشور و رێنماییەکانی عەبدوڵا ئۆجالان رێبەری گەلی کورد بڵاوکرایەوە و لەلایەن جەماوەرەوە پێشوازییەکی گەرمی لێکرا.

لە چالاکییەکەدا و بە ئامانجی سەرنجڕاکێشانە سەر گۆشەگیری لە ژوورێکی تاکەسیدا، کتێب خوێندرایەوە و راگەیاندراو بڵاوکرایەوە.

لەو وتانەدا، کە لەو چالاکییەدا پێشکەشکران، رایگەیاندرا، گۆشەگیریی سەر عەبدوڵا ئۆجالان رێبەری گەلی کورد قبوڵ ناکرێت.

بە درێژایی چالاکییەکە بەبەردەوامی دروشمەکانی "بژی سەرۆک ئاپۆ"، "ئازادی بۆ سەرۆک ئاپۆ" و "کات کاتی ئازادیی سەرۆک ئاپۆیە" دەوترانەوە.

ژ.ت