لە شاری سۆلۆتورنی سویسرا بە پێشەنگایەتی تەڤگەری گەنجانی شۆڕشگێڕ (تەجەشە) و ژنانی گەنجی تێکۆشەری (تێکۆ-ژن) بۆ ئازادیی جەستەیی ڕێبەری گەلی کورد عەبدوڵا ئۆجالان گردبوونەوەیەک ئەنجامدرا. کوردستانیان لە بەهنۆفپلاتز کۆبوونەوە و وێنەانی عەبدوڵا ئۆجالان، ئاڵاکانی پەکەکە و پۆستەریان بەرزکردبووە، کە سەریان وتەکانی عەبدوڵا ئۆجالان نووسرابوون.

بۆ یادی شەهیدانی تێکۆشانی ئازادی کوردستان خولەکێک ڕێزگرتن بەڕێوەچوو و دواتر ڕاگەیەندراوێک بەناوی تەجەشە خوێندرایەوە. لە چالاکییەکەدا هێرشەکانی دەوڵەتی تورکی داگیرکەر بۆ سەر کوردستان ئیدانە و ریسوا کران و ڕاشگەیەندرا: "دەیانەوێت بە گۆشەگیرکردنی قورسی ڕێبەر ئاپۆ هێرشەکانی سەر کوردستان قوڵتر بکەنەوە، بەڵام ئێمە وەک گەنجانی کورد هەمیشە لە هەموو ئاست و گۆڕەپانەکاندا داکۆکی لە ئازادیی رێبەر ئاپۆ دەکەین".

لە چالاکییەکەدا دروشمی دژ بە گۆشەگیری و هێرشی داگیرکاری وترانەوە و داوای بەشداریکردن لە ٣٠هەمین فیستیڤاڵی نێونەوەیی کورد لە ١٧ی ئەیلول دا کرا، کە لە شاری لاندگرافی هۆڵەندا بەڕێوەدەچێت.

ژ.ت